________________
કોલસો
કોલસાળી કાલિમા જોઈ માણસને હસવું આવ્યું, ત્યારે માણસાળી શુભ્રતા પર કોલસાને હસવું આવ્યું.
કોલસો કહે: મને હસવું આવે છે તારી બાહ્ય શુભ્રતા જોઈને! કારણ કે મેં તો મારી જાતને બાળીને, જગતને પ્રકાશ આપીને મારી જાતને કાળી કરી; પણ તમે માણસોએ તો જગતને કાળું કરી માત્ર તમારી જાતને જ બાહ્ય રીતે ધોળી કરી. અને ભાઈ! અમે કાળા હોઈએ તો પણ તેજથી ઝળહળતા હીરા આપનાર તો અંતે અમે જ છીએને?
જાતને બાળી પ્રકાશ આપનાર પર તમને હસવું આવતું હોય, તો અમને પણ તમારી બગલા જેવી, બાહ્ય શુભ્રતા પર હસવું કેમ ન આવે?
જીવનસૌરભ ૬