Page Text
________________
કુટુંબમાં કોઇ ગેરવાજબી વર્તન કરતા હોય ત્યાં ક્યાંય તમારું સમર્થન ન જોઇએ અને કરો તો અપ્રશસ્ત પ્રશંસારૂપે દર્શનાચારનો દોષ લાગે. યોગ્યની પ્રશંસા નથી કરતા અને અયોગ્યની પ્રશંસા કરો છો, તે બંનેનું જીવનમાં સરવૈયું માંડો તો ખ્યાલ આવે કે આ આચાર પામવાનો કેઢલો બાકી છે.
મા-બાપ ભક્તિપાત્ર છે, પણ તેમની પણ મોટી ભૂલ હોય તો તેનું સમર્થન ન કરાય, પ્રશંસા ન થાય. મા-બાપ માટે આવું હોય તો બીજાની ક્યાં વાત રહે છે? તમારી પત્નીના ગેરવાજબી આચાર-વિચાર-વર્તનની આગના કારણે પ્રશંસા કરો તો પણ અપ્રશસ્ત પ્રશંસાનો દોષ લાગે.
પ્રશસ્ત ઉપબૃહણા કરવા માટે બધા સાચા-સારા આચાર-વિચાર-વર્તન પ્રત્યે લગાવ જોઈએ. ગુણાનુરાગ, સદાચારપ્રિયતા હોય તો જ તમે આ દર્શનાચાર પાળી શકો. દીકરો કમાઈને આવ્યો હોય પણ ગેરવાજબી વર્તન હોય તો ટીકા કરવી જોઈએ. આમ મા-બાપ, દીકરો, તેમ કુટુંબ-ઘર-ગામ-રાષ્ટ્રબધે જવાબદારી આવે. દેશમાં પણ ખોટું થાય તેમાં તમારું સમર્થન ન જોઇએ. આ ચૂંટણી આવે છે, તેમાં તમે મત આપી આવશો ને? તો તમારું ખોટામાં સમર્થન આવે ને? આ રાજકારણમાં ગુંડાગીરી સિવાય કાંઈ છે? તમે તેને સમર્થનપ્રોત્સાહન આપી આવો તો પાપ લાગે.
સભા-ખરાબમાં પણ સારો શોધવો પડે ને? સાહેબજી-ઓછો ગુંડો શોધવાનો? એને સત્તા મળ્યા પછી તે જે ગુંડાગીરી કરે તો તેની જવાબદારી કોની? હવે તો સારા પણ વિચારતા થયા છે.
સભા -તો વધારે ખરાબ આવી રાજ કરે તો દોષ વધારે નહિ? સાહેબજી - ઓછા ખરાબને તમે નહિ ચૂંટ્યો અને વધારે ખરાબ અહીં આવી જાય, તો તે તમારી જવાબદારી છે? “શકટનો ભાર જેમ શ્વાન તાણે” જેવી વાત કરો છો. હકીક્તમાં સારા નાગરિકોએ કહેવા જેવું છે કે, આ પદ્ધતિ જ અમને સંમત નથી. લોકશાહીમાં વિરોધની પદ્ધતિ નથી?
સભા - ક્રાંતિ આવી જાય. સાહેબજી પણ તે ઘરેથી શરૂ કરો ને. આ તો બધી બહારથી લાવેલી પદ્ધતિ છે. તેનાં નુકસાન તમે બુદ્ધિથી સમજી શકો તેમ છો. અરે! અમે સમજાવવા તૈયાર છીએ. લોકશાહી સરકારી સ્તર પર ખૂલી છે. બીજે ક્યાંય છે? ઘરમાં લોકશાહી છે? કોઇ કંપની પણ લોકશાહીથી ચાલે છે? લોકશાહીના કારણે કેટલું નુકસાન થયું તમે પચાસ વર્ષમાં ઓછું અનુભવ્યું છે? પચાસ વર્ષમાં કેટલાં ડફણાં ખાધાં? છતાં અક્કલ નથી આવતી. માત્ર મત જ ન આપો તેવું નહિ સાથે વિરોધ પણ નોંધાવો. ધીમે ધીમે તેનો પણ Opinion Build Up(અભિપ્રાય ઊભો) થતો હોય છે. ઓછા ખરાબને લાવવામાં પણ તમે Involve થાવ (સંડોવાવ) તે પણ ન ચાલે. અમારી દૃષ્ટિએ દેશમાં જયાં ખરાબ ( નાચાર) ક ક ક ર ૪૧ ક ક ક ક ક ક ક ક -
| SR No. | 005867 |
| Book Title | Darshanachar |
| Original Sutra Author | N/A |
| Author | Yugbhushanvijay |
| Publisher | Gitarth Ganga |
| Publication Year | |
| Total Pages | 114 |
| Language | Gujarati |
| Classification | Book_Gujarati |
| File Size | 10 MB |