Darshanachar

SR No.: 005867
Original Sutra Author: N/A
Author: Yugbhushanvijay
Publisher: Gitarth Ganga
Total Pages: 114
Language: Gujarati
Classification: Book_Gujarati
File Size: 10 MB

Page 101

ભૌતિકતાની દૃષ્ટિએ પૂજ્યબુદ્ધિ માબાપ પર થાય. સમ્યગ્દષ્ટિ જીવને નાસ્તિક માબાપ પણ પૂજય લાગે. પણ ત્યાં ધર્મદષ્ટિએ પૂજયબુદ્ધિ નથી. સંસારમાં તમારા પર ઉપકાર હોય તેવા પર વિનય, પૂજ્યભાવ હોવો જોઈએ, પણ ત્યાં જુદી દૃષ્ટિથી પૂજયતા હોવી જોઈએ. ત્યાં ક્યાંય ધર્મબુદ્ધિએ વિનય, નમ્રતાનો વ્યવહાર ન હોય. ધર્મબુદ્ધિએ તો આ ચારમાં જ હોય, દેવ-ગુરુ-ધર્મ અને ધર્મી.
એ રીતે વિચારીએ તો આપણે ત્યાં દેવ-દેવીઓનું સ્થાન પણ ધર્મી, સાધર્મિક તરીકે છે. માટે જેમ સાધર્મિક ભક્તિપાત્ર છે, તેમ ચક્રેશ્વરીદેવી અને પદ્માવતીદેવી સાધર્મિક તરીકે પૂજ્ય છે. શાસનમાન્ય ન હોય તેવા ઘંટાકર્ણ, ભૈરવ વગેરે પર પૂજ્યબુદ્ધિ પણ ન હોય. છેલ્લામાં છેલ્લી કેટેગરી સાધર્મિકની છે. શાસનના ભક્ત દેવ-દેવીઓ સાધર્મિક છે.
સભા - બાવન વીર સાધર્મિકોમાં આવે? સાહેબજી -ના, તેમાં કોઈ સમ્યગ્દષ્ટિ, ભગવાનના ભક્ત હોય, તો સાધર્મિકમાં આવે. કેમ કે તમે જો ભગવાનના ભક્ત હો, તો છેલ્લામાં છેલ્લો અહોભાવ ભગવાનના ભક્ત પર થશે. જેને ભગવાનના શાસન સાથે કાંઈ લેવાદેવા નથી એવો માંધાતા હોય તો પણ તેની તણખલા જેટલી પણ કિંમત નથી.
સભા - દેરાસરમાં ઘંટાકર્ણ કેમ બેસાડે છે? : સાહેબજી - તે ખોટું છે, પણ તમારે તો શું છે? જેનાથી તમારું કામ થતું હોય તે તમારે જોઈએ. તમારે તો ભક્તોની ભીડ ભાંગે તેવા જ ભગવાન જોઈએ. ગુરુ કેવા જોઈએ? જ્યારે જાઓ ત્યારે તમને સહાય કરે કે તમારાં કામ કરી આપે તેવા. પરંતુ આ બધું ધર્મમાં ઘૂસેલું દૂષણ છે.
સભા - મોટા ભાગના લોકો ઘંટાકર્ણને સમ્યગ્દષ્ટિ દેવ તરીકે પૂજે છે. સાહેબજી - વર્તમાન સંઘમાં તમારી શું સ્થિતિ છે તેનો આ નમૂનો છે. સંઘ લેવલે જ્યારે આ પ્રશ્ન ઊભો થયો ત્યારે પણ, માત્ર ત્રણ આચાર્યોએ સંમતિ આપી અને લગભગ ૮૫ આચાર્યોએ વિરોધ કર્યો, પણ તમે તો ફાવતું જ પકડો ને? સાચું કે સારું થોડું પકડો? છતાં હજી પણ કોઈ શાસપાઠ લાવી આપે કે ઘંટાકર્ણ સમ્યગ્દષ્ટિ છે, તો અમે વિચારવા તૈયાર છીએ. જાહેરમાં બોલેલું પાછું ખેંચવા પણ તૈયાર છીએ. આ શાસનમાં હું કે બીજા કોઈ પણ હોય, પણ વ્યક્તિ તરીકે ઓથોરિટી નથી. આધાર ન મળે અને વાજબી ન હોય, છતાં લોકો પકડે છે કેમ? કેમ કે લોકો સ્વાર્થી વધારે છે. માટે જ ચમત્કાર બતાવવા જેવો નથી. સ્વાર્થી, લુચ્ચા અહીં ભેગા કરશો, તો ધર્મક્ષેત્રમાં પણ પ્રદૂષણ વધશે. ધર્મ એટલે જેને આત્મકલ્યાણમાં જ રસ છે. તેઓ અહીં તરવા, પોતાના આત્માનું ઉત્થાન કરવા આવે છે. તેવા અહીં આવશે તો જ દેરાસર કે ઉપાશ્રયનું વાતાવરણ સારું રહેશે, કે ગમે તેનાથી સારું રહેશે? માટે ધર્મ તમારે પણ પામવો હોય, તો સાચા ધર્મની શ્રદ્ધા કેળવો; અને બીજાને પણ પમાડવો હોય, તો ધર્મની સાચી શ્રદ્ધા કરાવો. આ રીતે વિચારશો તો થશે કે, ધર્મ પમાડવા માટે પ્રભાવના સિવાય બીજો કોઈ કક ગ્રીક ગ્રીક ( ૬ શ્રી #ક રકમ કદનાચાર)