Prashnottari

SR No.: 005866
Original Sutra Author: N/A
Author: Yugbhushanvijay
Publisher: Gitarth Ganga
Total Pages: 112
Language: Gujarati
Classification: Book_Gujarati
File Size: 12 MB

Page 99

૧૫૭.સભા ઃ- સમાધિમરણ લાવવા શું સાધના કરવી જોઇએ? અમારે સમાધિમ૨ણ જોઇએ છે.
સાહેબજી - સમાધિમરણ લાવવા પોષદસમની આરાધના શાસ્ત્રમાં બતાવી છે. જેમ જ્ઞાનપંચમીની આરાધના સમ્યજ્ઞાન પ્રાપ્ત કરવાને માટે છે, તેમ પોષ દસમીની જે વિધિપૂર્વક આરાધના કરે તેને સમાધિ આવે. પણ આ આરાધના કરવા શું તૈયા૨ી જોઇએ, તે ગુરુ પાસે સમજવું જોઇએ. તમારે અત્યારે સમાધિ જોઇએ છે કે મરતાં જ સમાધિ જોઇએ છે? અત્યારે તો ધાંધલધમાલવાળું જીવન જ જોઇએ છે, પણ અમારે મોઢે સાંભળ્યું હોય કે અસમાધિથી મરશો તો મર્યા પછી દુર્ગતિ નક્કી છે, એટલે તેના ડરથી તમારે સમાધિ જોઇએ છે. માટે બોલો છો ને કે “અંતે શરણ તમારું”, પણ અત્યારે શરણ નથી જોઇતું, તેનું શું?
અત્યારે તમે સમાધિની ચિંતા કરો છો કે ૨૪ કલાક તમારી બહારની સગવડ ન તૂટે તેની ચિંતા કરો છો? પણ સમાધિની તમને કરોડો રૂપિયા કરતાં પણ વધારે value(કિંમત) હોવી જોઇએ. સમાધિ સાથે ખાલી સૂકો રોટલો મળશે તો પણ ચાલશે, તેવું ખરું? સત્તા, સંપત્તિ, વૈભવ પછી, પણ પહેલાં જીવનમાં સમાધિ; તેવી પ્રાયોરીટી સાથે માંગો છો ખરા? લોગસ્સમાં સમાધિ માંગો છો, જયવીય૨ાયમાં સમાધિ માંગો છો, વંદિત્તુમાં સમાધિ માંગો છો; તમારી ક્રિયામાં ડગલે ને પગલે સમાધિની માંગણી મૂકી છે, માટે માંગો છો; પણ ખરેખર શું જોઇએ છે? અંદરમાં ઘણી જ પોલંપોલ છે. સમાધિમરણનું મહત્ત્વ સમજો.
જેને સમાધિમરણ મળ્યું તેનો મોક્ષ નક્કી. આ જીવ શુભ લેશ્યા અનંતીવાર પામ્યો છે, સદ્ગતિ અનંતીવાર પામ્યો છે, પુણ્ય પણ બાંધ્યું છે, પણ સમાધિમરણ એક વખત પણ પામ્યો નથી; માટે જ જીવનું સંસારચક્ર ચાલુ છે.
સમાધિનો સાચો અર્થ શું? સમનું આત્મામાં આધાન. તમારા વિષયકષાયોમાંથી એક કણિયા જેટલો કષાય મૂળમાંથી નાબૂદ થાય એટલે સમાધિ આવી કહેવાય. તમે તમારો એક પણ દોષ મૂળમાંથી નાબૂદ કરો એટલે આત્મશુદ્ધિ થઈ કહેવાય, અને જેટલી આત્મશુદ્ધિ થઇ તેટલી સમાધિ આવી કહેવાય. સમાધિવાળાનું પંડિતમરણ કહેવાય, સમાધિ વગર મરે તો બાળમરણ કહેવાય. જે મેળવવા લાયક છે, સાચવવા લાયક છે, તે એણે હજી સાધ્યું નથી, માટે બાળ
છે.
આ જીવનમાં જન્મ્યા ત્યારથી સર્વસ્વ માનીને જેને સંભાળ્યું છે, જેના માટે બધો જ ભોગ આપ્યો છે, તે બધાને જેવી આંખ મિંચાઇ તેવું જ છોડવાનું છે; પ્રશ્નોત્તરી (પ્રવચનો)
૯૩