Page Text
________________
૧૦૯.સભા ઃ- ઉદયન રાજાનું યુદ્ધ તે ધર્મયુદ્ધ હતું?
સાહેબજી :- તેમનું યુદ્ધ ધર્મયુદ્ધ હતું. પ્રભુમહાવીરની પ્રતિમા દેવતાઇ હતી. તે ચંડપ્રદ્યોત રાજા ચોરી કરીને લૂંટી જાય તો કેમ ચાલે? તેને એક ધર્માત્મા ચલાવે ખરો? તેના રક્ષણ માટે હથિયાર ઉગામવાં પડે. તે વખતે હિંસાનું પાપ લાગશે તેમ માની ક્ષમા કેળવાય ખરી? તમારે દેરાસરમાંથી કોઇ દાગીના ચોરી જાય ત્યારે, તમે તપાસ કરીને ચોરને પકડો, તો તે વખતે તમારે તેની સામે ઉદારતા બતાવાય ખરી? અને ઉદારતા બતાવો તો ધર્મ કહેવાય કે અધર્મ કહેવાય?
૧૧૦.સભા :- મજબૂરીથી શ્રાવક ચોરી કરે તો?
સાહેબજી :- જો લાયક શ્રાવક હોય ને મજબૂરીથી ચોરી કરે તો જૈનશાસનની અપભ્રાજના ન થાય તે રીતે સમેટી લેવું જોઇએ, અને જો ગેરલાયક હોય તો કડકમાં કડક પગલાં લેવાનાં આવે. મોકળું મેદાન ન મળે તેને માટે પગલાં લેવાં પડે. બાતમી કઢાવવા ઠોકે પણ ખરો. માટે તમારી ફરજ શું આવે? તે વિચારજો.
ઉદયન રાજા શું વિચારે છે? “ચંડપ્રદ્યોત મારી દાસી ઉપાડી ગયો, તો ભલે તેને પટરાણી બનાવીને રાખે તેમાં મને વાંધો નથી, પણ મારા ભગવાન લઇ ગયો છે, તે બરાબર નથી. માટે મારા પ્રભુની પ્રતિમા માનભેર પાછી આપે.’’ પણ તે માનવા તૈયાર નથી. માટે કહેણ મોકલ્યું કે, આનાં તમારે કડવાં ફળ ભોગવવાં પડશે. અને તેથી તે યુદ્ધ કરે છે. આ ધર્મયુદ્ધ જ કહેવાય. ઘોર મહાભયંકર યુદ્ધ થયું છે. તેમાં તેમનો વિજય થયો છે. આ યુદ્ધ કર્યું તેમાં ઉદયનરાજાને કોઇ દોષ લાગ્યો નથી. દાખલો બેસાડવા કડક થવું પડે. માટે ઉદયનરાજાએ તે ધર્મક્રિયા જ કરી છે.
૧૧૧.સભા ઃ- સીતાના માટે રામે યુદ્ધ કર્યું તે કયું યુદ્ધ કહેવાય?
સાહેબજી :- રામના પક્ષે ધર્મયુદ્ધ છે. શીલવતી સ્ત્રીના શિયળનું રક્ષણ અને તેની સલામતી માટે રામે યુદ્ધ કર્યું છે. શીલરક્ષાનો ભાવ છે માટે ધર્મયુદ્ધ જ કહેવાય. પણ રામ શીનિરપેક્ષ થઇને “સીતા મારી પત્ની હોવાના કારણે', તેના રક્ષણ માટે મમત્વથી યુદ્ધ કરે તો પાપક્રિયા કહેવાય.
૧૧૨.સભા ઃ- સાહેબજી! આગળ આપે કહ્યું કે ‘“ચિત્તશુદ્ધિની કિંમત નથી” માટે સદ્ગુણો કેળવવા જરૂરી નથી.
પ્રશ્નોત્તરી (પ્રવચનો)
૬૨
| SR No. | 005866 |
| Book Title | Prashnottari |
| Original Sutra Author | N/A |
| Author | Yugbhushanvijay |
| Publisher | Gitarth Ganga |
| Publication Year | |
| Total Pages | 112 |
| Language | Gujarati |
| Classification | Book_Gujarati |
| File Size | 12 MB |