Page Text
________________
ચોખ્ખા ઘીના દીવા કરો છો? અહીંયાં ઘીના દીવા જોઇને ગરીબો યાદ આવ્યા, પણ તમારા જીવનમાં મોજમજા, લગ્નના ખરચા, પિક્ચર-નાટકના બધા ખરચાંમાં ગરીબો ક્યાંય યાદ આવે છે? માટે આવું કહેનારા માણસો અવિવેકી છે. શું ધર્મ આ તમારી ગરીબી ફેલાવે છે? તેને દૂર કરવાની જવાબદારી કોની? તમારી હોટલોનો જ Maintenance (ચલાવવાનો) ખર્ચ કેટલો? તેમાંય અડધા રૂમ તો કદાચ ખાલી રહેતા હશે. બાંધકામમાં પણ રોકાણ કેટલું? માટે બહુ જ વિવેક સાથે વિચારજો.
૧૦૧.સભા ઃ- પ્રભુને ફૂલ ચઢાવે છે તેમાં ઘણી વખત કીડીઓ પણ હોય છે.
સાહેબજી :- જયણાની વ્યવસ્થા સાચવવાની હોય તેટલા માત્રથી કાંઇ ફૂલ ચઢાવવાનું બંધ ન કરાય. માટે કાલે જો પક્ષાલના પાણીમાં ક્યાંય જીવાત દેખાઇ તો પક્ષાલ કરવાનું બંધ કરશો? કેસર વાટવામાં, દેરાસર બાંધવામાં બધે જયણા રાખવાની છે. પણ જયણા સાચવવા માટે શું આખો ધર્મ બંધ કરાય? તેની પૂંજનાપ્રમાર્જના કરાય, પણ તેટલા માત્રથી વિધિ બંધ ન કરાય. આ ધર્મને દ્રવ્યસ્તવ કહ્યો છે. જે હિંસાથી થતો ધર્મ તેને દ્રવ્યસ્તવ કહે છે. તમે હિંસામાં બેઠા છો માટે ધર્મના સાધન તરીકે શ્રાવકને તે કરવાનો કહ્યો છે. આ સ્વરૂપહિંસા છે. એક દેરાસર બાંધતાં કેટલા જીવો મરે છે? સંઘ કાઢે તેમાં, જમણ કરે તેમાં કેટલી હિંસા થાય છે? તો પછી તમારી માન્યતા પ્રમાણે તો બધો ધર્મ જ બંધ કરવો પડશે. પરંતુ એમ થાય નહિ. માટે અમે જયણાનો ઉપદેશ આપીએ છીએ, પણ વિધિ બંધ ન કરાય. એક પૂજાની વાટકી થોડામાં ધોવાતી હોય તો બે લોટા પાણી ઢોળવાનું નથી અને ઢોળો તો દોષ લાગે; પણ થોડા પાણીમાં પણ ધોવી નહિ તેમ તો ન જ કહેવાય.
૧૦૨.સભા :- તો પછી જમતાં પણ જીવો મરે છે ને?
સાહેબજી :- હા, તો પછી ઉપવાસ ક૨શે, પણ ઉપવાસ કરતાં પણ અંદરમાં શરીરમાં રહેલ જીવો તો મરે છે. માટે આ બધી વિવેક વગરની વાતો છે. પરંતુ કઇ હિંસા ક્યા સ્તરમાં છોડવા લાયક છે તે જો બરાબર સમજશો, તો આવા ગોટાળા કરશો નહિ.
૧૦૩.સભા :- તો દાદાની જાત્રા કરવા ડોળીમાં જવાય? પ્રશ્નોત્તરી (પ્રવચનો)
૫૯
| SR No. | 005866 |
| Book Title | Prashnottari |
| Original Sutra Author | N/A |
| Author | Yugbhushanvijay |
| Publisher | Gitarth Ganga |
| Publication Year | |
| Total Pages | 112 |
| Language | Gujarati |
| Classification | Book_Gujarati |
| File Size | 12 MB |