Prashnottari

SR No.: 005866
Original Sutra Author: N/A
Author: Yugbhushanvijay
Publisher: Gitarth Ganga
Total Pages: 112
Language: Gujarati
Classification: Book_Gujarati
File Size: 12 MB

Page 46

તમે આવી કેટલી સલાહ આપો છો? આ ટી.વી., છાપાં, મેગેઝીનોના પ્રચાર દ્વારા કેટલાય આસ્તિકમાંથી નાસ્તિક થઈ ગયા. જેથી આત્મા, પરલોક, પુણ્ય, પાપની શ્રદ્ધા ઊઠી ગઈ. હવે તમે આ બધા મિડિયાની પ્રશંસા કરો ત્યારે વિચાર આવે છે ખરો કે હું કોની પ્રશંસા કરું છું? વર્તમાન દુનિયામાં તમે જો આ રીતે પણ સાવચેત થઈ જાઓ, તો વગર કારણે બંધાતાં ૯૦ ટકા પાપોથી બચી જશો. જીવનમાં પ્રતિજ્ઞા કરો કે “ભગવાનની આજ્ઞાવિરુદ્ધની વાતને કદીપણ સમર્થન આપવું નહિ.”
અરે ઘરડાઓ પણ બોલતા હોય છે કે અત્યારે ઘણું બધું સુધરી ગયું, વિકાસ ઘણો જ થઈ ગયો. પરંતુ શું જૂનું હતું તે બધું બગડેલું હતું? શું ભૂતકાળમાં વિકાસ જ ન હતો? આધુનિક બાબતોમાં અભિપ્રાય આપતાં સાત વાર વિચારવું
પડશે.
અત્યારે તો કહે છે કે બુફે કરવામાં શું વાંધો? સાધુને માઈકપર બોલવામાં શું વાંધો? કેટલાને લાભ મળે છે, હવે તો આમ જ કરવું જોઇએ. પણ ખબર નથી કે આ બધું જે સાંભળે છે તેને પણ શાસ્ત્રવિરુદ્ધ વિચાર કરવા પ્રોત્સાહન આપે છે. પેલા કરે છે અને તમે તેને અનુમોદન આપો છો, ખોટી વાતને સંમતિ આપો છો.
૬૬. સભા - અત્યાર સુધી આ બધી વાતોની ખબર નહોતી.
સાહેબજી:- હા, ખબર ન હોય, પણ ખબર પડે તો ખોટામાંથી નીકળી જવાની તૈયારી ખરી? તૈયારી હોય તો બચાવ થાય. કર્મના સિદ્ધાંતો કોઈના માટે પણ જુદા નથી. પ્રભુ મહાવીરના જીવને “અહીંયાં ધર્મ છે અને ત્યાં પણ ધર્મ છે” તેટલું બોલવામાં કેટલું ફસાવાનું આવ્યું તો પછી આપણી શું હાલત થશે?
દુનિયામાં ઊંધી વિચારધારા ફેલાય છે તેના કારણે લાયક જીવો ખરો ધર્મ પામી શકતા નથી; ભોળા લોકો તેમાં અટવાઈ જાય છે. જેમ અત્યારે ઘણા કહે છે કે સ્વર્ગ-નરક નથી, તે તો ગપ્યું છે. આવી ખોટી વિચારધારા ફેલાવે છે. જ્યારે શાસ્ત્રો કહે છે સ્વર્ગ છે, ક્ષમા કેળવશો તો સ્વર્ગ મળશે; ક્રોધ કરશો તો નરકે જશો. એટલે સ્વર્ગ-નરક છે, અને તેની સાધક સચોટ દલીલો પણ શાસ્ત્રોમાં છે. પરંતુ પેલી ઊંધી વિચારધારા જેના મનમાં ઠસી જાય અને તે અટવાય, તેનું પાપ કોને લાગવાનું? એક જીવને અટવાવીને તેના અસંખ્ય ભવ બગાડ્યા, માટે તે જીવની અસંખ્ય વખત હિંસા કરી કહેવાય. અત્યારે નવો વર્ગ વિવેક વિના વિજ્ઞાનની વાતો ૧૦૦ ટકા માનતો થઇ
પ્રોત્તરી (પ્રવચનો)
૪૦