Page Text
________________
તા. ૧૩-૮-૯૫, રવિવાર, શ્રાવણ વદ ત્રીજ, ૨૦૧૧
૩૮. સભા - અમે ચોવિહાર ગૃહ ચલાવીએ છીએ તે બરાબર છે કે
સાહેબજી:-તમારે ચોવિહાર ગૃહકેમ ઊભાં કરવાં પડ્યાં તે વિચારવા જેવું છે. જેમ ભૂતકાળમાં મોટાં મોટાં શહેરો હતાં, માઇલોના માઈલોમાં વિસ્તૃત શહેર હતાં, છતાં પણ ત્યાંનાં તંત્ર એવાં હતાં કે તેમને આરાધના કરવામાં ક્યાંય બાધ ન આવે. પરંતુ અત્યારે તમારી વ્યાખ્યા શું છે? કામ ઘણું છે, ટાઇમ નથી. દોડાદોડી પણ તમે બીનજરૂરી કરો છો. આ મુંબઈમાં સવારે દરરોજ ચાલીસથી પીસ્તાલીસ લાખ માણસો પરામાંથી પાર્સલની જેમ ઠલવાય છે, બીજી બાજુ સાંજે બકરાની જેમ ભરાઈને પાછાં જાય છે. આ બધામાં સમય, શક્તિ, પૈસા કેટલા બરબાદ થાય છે? દેશને તેનાથી શું મળે છે? પરંતુ તમે તો તેને આધુનિક વિકાસ કે પ્રગતિમાનો છો. પરંતુ અમારી દષ્ટિએ આર્થિક કે સામાજિક દષ્ટિએ લાભ નથી. રેલ્વે લાઇન પાછળ કેટલા ખર્ચા થાય? તમારો આજનો જમાનો આ પ્રમાણે છે, માટે ચોવિહાર હાઉસ ઊભાં કરવાં પડ્યાં છે. હવે આ કરવા પાછળ એવા ભાવ હોય કે આના દ્વારા સાધર્મિકના રાત્રિભોજનની અટકાયત થાય છે, તો પુણ્ય બંધાય. તેમાં પાપ ક્યારે લાગે કે તેમને ખપે તેવું ન હોય અને આપો તો પાપ લાગે છે, માટે જયણા બરાબર સાચવવી પડે. ભક્તિનો ભાવ છે, માટે જયણા સાચવવાની જવાબદારી આવે છે. પણ ઊંધું કરો તો પાપ લાગે અને કરવા પાછળ શુભ ભાવ જોઈએ.
૩૯. સભા:- જય જિનેન્દ્ર બોલવું એટલે શું?
સાહેબજી:- આત્મામાં જિનશાસન વસેલું છે, માટે તમે જિનેશ્વરદેવોનો જયકાર બોલો છો. જિન એટલે પરમાત્મા. આ જિનો તો સાધના કરીને મોક્ષે ગયા, પણ તે જિનેશ્વરે બતાવેલો મોક્ષમાર્ગ જગતમાં પ્રવાહરૂપે ફેલાય, તે સોળે કળાએ
ખીલે, તેનો જયજયકાર થાય; આ બધા શુભ ભાવ જય જિનેન્દ્રમાં સમાયેલા છે. ખોત્તરી (પ્રવચનો) .
| SR No. | 005866 |
| Book Title | Prashnottari |
| Original Sutra Author | N/A |
| Author | Yugbhushanvijay |
| Publisher | Gitarth Ganga |
| Publication Year | |
| Total Pages | 112 |
| Language | Gujarati |
| Classification | Book_Gujarati |
| File Size | 12 MB |