Page Text
________________
નામ સાથે કોઈ વાંધો નથી. પણ ભગવાન કોણ કહેવાય, તે ધોરણ તો હોવું જોઈએ ને? મહાવીર આપણા છે એટલે પૂજતા નથી, ગુણમાં જે સર્વશ્રેષ્ઠ છે તે જ મારા ભગવાન. તેમના સ્વરૂપ, આચાર ને ઉપદેશ દ્વારા જ ઈશ્વર તત્વની ઓળખાણ થઇ શકે છે અને એ પ્રમાણે જ નક્કી કરવાનું છે. આમાં સંકુચિતતાનો સવાલ નથી, પણ સત્યનો આગ્રહ છે. ઈશ્વરતત્ત્વનાં ધારાધોરણો નક્કી છે, તે જેનામાં પણ હોય તે અમારે પૂજ્ય છે.
૧૧.સભા:- અતિચાર ગુજરાતી ભાષામાં કેમ લખ્યા છે?
સાહેબજી:-મહાપુરુષોએ સૂત્રો રચનાબદ્ધ કરી મૂક્યાં છે. તેમાં ચૈત્યવંદનનાં સૂત્રો ચોક્કસ છે. તેમાં તમે કાંઈ ફેરફાર કરી શકો નહિ. પણ સ્તવન આવે ત્યારે તમને જેવા ભાવ સ્વરે એ રીતે તમે બોલી શકો છો. તે વખતે તમે જાતે બનાવીને પણ બોલી શકો છો. તે માટે શાસ્ત્રોએ રજા આપી છે. છતાં તમને કદાચ બનાવતાં નફાવે માટે ઘણાં સ્તવનો ગુજરાતીમાં રચના કરીને આપ્યાં છે. જેમ સ્તવન તમે ગુજરાતીમાં બોલી શકો, પણ “જાવંતિ’ કાંઈ ગુજરાતીમાં બોલાય નહિ. હવે અતિચાર શું ચીજ છે? તે વ્યક્તિગત આલોચના છે, માટે એ સાતલાખની જેમ ગુજરાતીમાં રઆ છે, જેથી તમને બરાબર સમજ પડે.
જ્યાં વ્યક્તિગત વાત છે ત્યાં સ્વતંત્ર રજૂઆતની છૂટ આપી છે; જેમ સ્તુતિ, સ્તવન, અતિચાર ગુજરાતીમાં આવશે. પણ જે સામૂહિક સૂત્રો fix(નક્કી) કરેલા છે, તેમાં ફેરફાર ન થાય, અને ફેરફાર કરવાની ઇચ્છા થાય તો પણ દોષ લાગે.
અતિચારની રચના મહાન પૂર્વાચાર્ય ભગવંતે જ કરી છે કે જેઓ શાસ્ત્રના ઘણા નિષ્ણાત હતા. છેલ્લાં હજારો વર્ષોથી જૈનધર્મમાં આ અતિચાર સ્થિર થયેલા છે.અતિચારની પ્રમાણભૂત, અદ્ભુત રચના છે, તેમાં ક્યાંય અધૂરાશ નથી. પૂ. ભદ્રબાહુસ્વામીએ જે આલાવા મૂક્યા છે, તેનો એક્ઝટ ભાવ આમાં મૂક્યો છે.
૯૬
પ્રોત્તરી (પ્રવચનો)
| SR No. | 005866 |
| Book Title | Prashnottari |
| Original Sutra Author | N/A |
| Author | Yugbhushanvijay |
| Publisher | Gitarth Ganga |
| Publication Year | |
| Total Pages | 112 |
| Language | Gujarati |
| Classification | Book_Gujarati |
| File Size | 12 MB |