________________
વળી અનંતમ્ છે. છેડા વિનાનું છે. અંત રહિત છે. સિદ્ધિગતિનો અંત કદી પણ આવનાર નથી. અનંતકાળથી આ ગતિ ચાલી જ આવી છે.
વળી અક્ષયમ્ છે. ક્ષયરહિત છે એટલે કે તે હમણાં છે અને પછી ધીમે – ધીમે અર્થાત્ ક્ષણે – ક્ષણે ક્ષય પામનાર - નાશ પામનાર નથી.
વળી અવ્યાબાધમ્ છે. જે ગતિમાં વ્યાબાધા-પીડા નથી. આધિવ્યાધિ-ઉપાધિ રહિત આ સ્થાન છે. આ સ્થાનમાં કોઈ જાતની વ્યાબાધા-પીડા હોતી (થતી)નથી.
વળી અપુનરાવૃત્તિ છે. જે સ્થાનમાંથી જીવને કદી પાછું ફરવાનું નથી જે જીવ ત્યાં ગયો તે સદા માટે ત્યાં જ સ્થિર રહે છે.
વળી મહાનંદ” છે. આ સ્થાન મહાઆનંદ સ્વરૂપ છે કારણ કે જે સ્થાનમાં કેવળ મહાઆનંદ જ છે માટે તે સ્થાન મહાઆનંદ સ્વરૂપ છે. કેમ કે જે જીવો તે સ્થાન પામેલા છે તેમણે પોતાનું આનંદ સ્વરૂપ પ્રગટ કરી સદા તે સ્વરૂપે ત્યાં બિરાજમાન હોવાથી તે સ્થાન મહાઆનંદમય છે. કારણ કે તે સ્થાન એટેલે આકાશ પ્રદેશો તેમાં કોઈ આનંદ નથી, તે તો જડ છે પરંતુ તે સ્થાન કેવળ સિદ્ધ ભગવંતોમય હોવાથી અને તેઓ મહાઆનંદ સ્વરૂપમય હોવાથી તે સ્વરૂપમાં સ્થાન પણ મહાનંદ સ્વરૂપ છે.
વળી મહોદય છે. તે સ્થાન મહાન ઉદય સ્વરૂપ છે કારણ કે હિંમેશાં ત્યાં સિદ્ધિપદને પ્રાપ્ત કરનાર જીવો સ્થિતિ કરતા જ હોય છે. કોઈક જ એવો કાળ આવે છે ત્યારે જીવોની સિદ્ધિનો અમુક કાળ વિરહવાળો હોય છે તે સિવાય મુક્તિપદને પ્રાપ્ત કરનાર જીવો હંમેશાં પધારતા હોવાથી તે સ્થાન મહાન ઉદયવંતુ છે માટે મહોદય સ્વરૂપ છે.
શક્રસ્તવ
૧૩૩
