________________
કથન મુજબ પેથડને અત્યંત સમૃદ્ધિ પ્રાપ્ત થઈ. ગુરુના ઉપદેશથી તેણે ચોરાશી જિનમંદિરો કરાવ્યા અને સાત જ્ઞાનભંડારો બનાવરાવ્યા. આ ઉપરાંત તેના દ્વારા બીજા પણ ધાર્મિક કાર્યો કરાવ્યા હતા. આ.શ્રી ધર્મઘોષસૂરિના ઉપદેશની પેથડ પર એટલી સરસ અસર થઈ હતી કે બત્રીશ વર્ષની યુવાનવયે તેણે બ્રહ્મચર્ય વ્રત (ચતુર્થ વ્રત) અંગીકાર કર્યું હતું,
તેમજ તે દેવપત્તનમાં જ પોતાના સ્થાન પ્રભાવથી પ્રગટ થયેલા નવીન કપર્દી યક્ષદ્વારા વજસ્વામીના માહાભ્યથી શત્રુંજય પર્વત પરથી દૂર કરાયેલા અને મિથ્યાત્વને વધારતા જૂના કપર્દી પક્ષને પ્રતિબોધ પમાડીને સમજાવીને શ્રી જિનેશ્વર ભગવંતના બિંબનો અધિષ્ઠાયક બનાવ્યો હતો. '
એકદા કોઈ એક મંત્રીએ અષ્ટયમકવાળું કાવ્ય બોલીને ગુરુને કહ્યું કે-“હમણાં આવી જાતનું કાવ્ય કરવાને કોઈ શકિતમાન નથી.” ગુરુમહારાજે જણાવ્યું કે “નથી એમ નહિ.” ત્યારે તે મંત્રીએ કહ્યું કે “ તેવા કવિને બતાવો.” એટલે તેમણે જણાવ્યું કે બતાવીશ.” ત્યારબાદ અષ્ટયમકવાળી જયવૃષભ. નામની સ્તુતિ પોતે જ એક રાત્રિમાં બનાવીને ભીંત પર લખેલી મંત્રીને બતાવી. આથી તે મંત્રી આશ્ચર્ય પામ્યો ને પ્રતિબોધિત થયો. તે શ્રી ધર્મઘોષસૂરિ વિ. સં. ૧૩૫૭માં સ્વર્ગે સીધાવ્યા.
-તપાગચ્છ.પટ્ટાવલીમાંથી સાભાર
-
૪૪
-
