________________
भूमितलादूर्ध्वमथार्द्धयुक्त-गव्यूतयुग्मं परितोऽधिरुह्य । तृतीयवप्रे बहुमध्यदेशे, ज्योतिर्जटालं मणिपीठमासीत् ॥१२॥ विष्कम्भतश्चापशतद्वयं तदौन्नत्यतः श्रीजिनदेहमानम् । विरेजुरस्योपरि चारुसिंहासनानि चत्वारि मणीमयानि ॥१३॥ मणीमयच्छन्दकसङ्गतानि चाऽशोकवृक्षं परितः स्थितानि । छत्रत्रयेणोर्ध्वगतेन चन्द्रप्रभसमानातिना युतानि ॥१४॥ सुपर्वसञ्चारितपङ्कजेषु,न्यासं दधानः क्रमपङ्कजानाम् । सिंहासनं स्वामिवरोऽथ भेजे, पूर्वमुखं पूर्वगिरि यथांशुः ॥१५॥ ततो व्यधीयन्त न शेषदिक्षु, सद्व्यन्तरैस्तत् प्रतिरूपकाणि । । चतुर्मुखस्तैर्भगवान् विरेजे, चतुर्विधं धर्ममिवोपदेष्टुम् ॥१६॥ तत् पार्श्वयोर्यक्षवरा बभूवुः, करे धरन्तो वरचामराणि । अभ्रंलिहाः स्वामिपुरो विरेजुर्महाध्वजा रत्नमयोच्चदण्डाः ॥१७॥ पुरो जिनेन्द्रस्य च धर्मचक्र-चतुष्टयी चारुरुचिर्बभासे । प्रख्यापयन्ती भविनां मनस्सु, सद्धर्मचक्रित्वमपूर्वमस्य ॥१८॥ आग्नेयका मुख्यविदिक्षु तिस्त्रः, प्रत्येकमस्थुश्च सभाः क्रमेण । सुसाधवः कल्पसुराङ्गनाश्च, साध्व्यश्च धर्मश्रवणैकनिष्णाः ॥१९॥ ज्योतिःपतीनां भुवनाधिपानां, सद्व्यंन्तराणां च विलासवत्यः । त्रयोऽपि ते देववरास्ततोऽपि, वैमानिका मर्त्यवराः स्त्रियश्च ॥२०॥ तिगवराः सिंहमृगाहिबभ्रुमुख्या: प्रशान्ता द्वितीयेऽथ वप्रे । संत्यक्तवैरा भगवद्वचांसि, पपुः कणेहत्य कृतोद्मवक्त्राः ॥२१॥ यानानि वप्रे तृतीये बभूव-नियन्त्रणा नो विकथाभयं न । न मत्सरस्तत्र परस्परेणाऽभवजिनेन्द्रस्य कटप्रभावः ॥२२॥ आसन् प्रतिद्वारमिहावलम्बि, ध्वजानि चञ्चन्मणितोरणानि । पञ्चालिका मङ्गलकानि चाष्टी, सत्पर्णकुम्भा वरधूपघट्यः ॥२३॥
