________________
દેવદ્રવ્ય અને જિનપૂજા चैत्यद्र व्यस्य जिन भवनबिम्बयात्रास्नानादिप्रवृत्तिहेतोर्हिरण्यादेवृद्धिः कर्तुमुचिता ।
અર્થ - જિનભવન-જિનબિંબની (અષ્ટાહ્નિકાદિ) યાત્રાસ્નાત્ર વગેરે પ્રવૃત્તિઓમાં કારણભૂત સુવર્ણ વગેરે રૂપ દેવદ્રવ્યની વૃદ્ધિ કરવી ઉચિત છે
ખુદ સ્વ. પૂ. આ. શ્રી વિજય રામચન્દ્રસૂરિ મહારાજ પણ વર્ષો પૂર્વે વિચારસમીક્ષા નામના પુસ્તકમાં પૃ. ૯૭ પર આ પ્રમાણે લખી ચૂક્યા છે કે
“શ્રી જિનેશ્વરદેવના સ્થાપના નિક્ષેપાને (મૂર્તિને) માનનારને જિનચૈત્યની, તેની પૂજાની, તે માટે જરૂરી ઉપકરણોની અને તેમાં ખામી ન આવે તે ખાતર દેવદ્રવ્યની વૃદ્ધિની અને તેના સંરક્ષણની અનિવાર્ય આવશ્યકતા છે.”
શ્રી જૈન શાસ્ત્રોમાં પૂર્વાપર વિરોધ સંભવતો નથી. એટલે જ્યારે અનેક શાસ્ત્રકારોએ દેવદ્રવ્યનો ઉપયોગ જિનપૂજા વગેરેમાં થઈ શકવાનું જણાવ્યું છે ત્યારે એ જ શાસ્ત્રોમાં, દેવદ્રવ્યથી જિનપૂજા કરનારને દેવદ્રવ્યના ભક્ષણનો-દેવદ્રવ્યના નાશનો દોષ લાગે એવું જણાવનાર શાસ્ત્રપાઠ હોય જ નહીં એ નિશ્ચિત છે. એટલે જ ચાલુ સાલે (વિ.સં. ૨૦૫૧) ચે. સુ. ૧૦ ના દિવસે મુંબઈ વાલકેશ્વરમાં ચન્દનબાળા ઉપાશ્રયમાં પૂ. આ. શ્રી જિનેન્દ્રસૂરિ મ. વગેરે સાથે થયેલી સાડા ત્રણ કલાકની ચર્ચામાં પૂ. પં. શ્રી ચન્દ્રશેખરવિજય મહારાજ વગેરેએ “દેવદ્રવ્યથી જિનપૂજા કરનારને દેવદ્રવ્યભક્ષણનો દોષ લાગે.” એવું દર્શાવનાર શાસ્ત્રપાઠ વારંવાર માગવા છતાં પૂ. આ. શ્રી જિનેન્દ્રસૂરિ મ. વગેરે કોઈ એ શાસ્ત્રપાઠ આપી શક્યા ન હતા. અરે ! “અમુક શાસ્ત્રમાં આવું કંઈક વાંચ્યાનો ખ્યાલ છે' આ રીતે અસ્પષ્ટ અણસાર પણ આપી શક્યા
