________________
પ્રકાશકીય
પૂજ્યપાદ પંન્યાસ પ્રવર શ્રી ચન્દ્રશેખરવિજયજીગણિવરે, શ્રમણોપાસક યુવાનો શ્રી પર્યુષણ પર્વાધિરાજની આરાધના કરાવવા જાય ત્યારે એમની સમક્ષ ઊઠતા પ્રશ્નોના ઉચિત ઉત્તરો આપી શકે એ માટે, શાસ્ત્રાધાર પૂર્વક રજુઆત કરતું ધાર્મિક વહીવટ વિચાર’ પુસ્તક લખ્યું, જે સ્વસ્તિક ગ્રન્થમાળાના અન્વયે પ્રકાશિત થયેલું છે.
આ પુસ્તકમાં કરેલી શાસ્ત્રાનુસારી પ્રરૂપણા કેટલાકને રુચતી ન હોવાથી તેઓ, શાસનની ભારે અવહેલના થાય એ રીતે અખબારો વગેરેનો આશરો લઈ આડેધડ નિવેદનો આપે છેને વિરોધ કરે છે. જો કે આ પુસ્તકમાં આપેલા શાસ્ત્રપાઠના અર્થઘટન વગેરેનું શાસ્ત્રાધાર ને યુક્તિપૂર્વક ખંડન તેઓ કરી શક્યા નથી કરી શકતા નથી. વળી, બધા જ કાંઈ આ વિસ્તૃત પુસ્તક વાંચવાની અનુકૂળતા ધરાવતા હોતા નથી. એટલે સામાપક્ષના ભ્રામક પ્રચારથી તેઓ ભ્રમણામાં ન મૂકાઈ જાય એ માટે આ પુસ્તિકાનું પ્રકાશન થઈ રહ્યું છે, આ પુસ્તિકા કદમાં નાની હોવા છતાં, દરેક સુજ્ઞ મધ્યસ્થ વાંચકને શાસ્ત્રાનુસારિતા કયા પક્ષે છે એનો નિર્ણય કરાવવામાં અચૂક ઉપયોગી બનશે જ એવી શ્રદ્ધા છે.
પુસ્તિકાનું લખાણ કરી આપનાર પૂ. મુનિરાજ શ્રી અભયશેખર વિજયગણિવરના ચરણોમાં વંદન....
લિ. શાહ કાતિલાલ છગનલાલ (K.C) દોશી રમેશચંદ્ર અમૃતલાલ .
