________________
વહીવટ મારે હસ્તક નહિ રાખું.' પુણ્યમાં ખામી જણાયા પછી સંઘનો વહીવટ રખાય નિહ. સંઘે ઘણુંય કહ્યું, પણ શેઠ માન્યા નહીં. સંઘનો વહીવટ કરનાર શેઠ કાળી રાતે પણ એમ જ કહે કે ‘ચોપડો તૈયાર છે. જેને જોવો હોય તે ખૂશીથી જોઈ લો !' આ શેઠે પણ ચોપડા આપી દીધા ને તપાસી લેવાનું કહ્યું. ભૂલ થઈ હોય તો તેની સજા ભોગવવાની તૈયારીય બતાવી. પણ, હવે વહીવટ સંભાળવાની ઘસીને ના પાડી દીધી. એ શેઠ માનતા કે ચોપડા ચોખ્ખા છે, વહીવટ ચોખ્ખો છે, પણ કોઈ દિ’ નહિ ને આજે એક માણસને મારે માટે આવો વિચાર આવ્યો, એટલી મારા પુણ્યમાં ખામી આવી.' શેઠને એમ નથી થયું કે ચોપડા જોવા માગ્યા કેમ ?” શેઠને તો એટલો જ વિચાર આવ્યો કો ‘મારા પુણ્યમાં ખામી આવી.' બાકી તો, એ માનતા કે “સંઘના કોઈ પણ ભાઈને ચોપડા જોવાનો અધિકાર છે.' દર વર્ષે ચોપડાની-વહીવટની હકીકત એ શેઠ સંઘ પાસે મૂકી જ દેતા હતા.
આજના કેટલાક વહીવટદારો :
આજના કેટલાક વહીવટદારો વહીવટ બાબતમાં શું કહે છે ? આજે ચોપડા જોવા માગનારને સીધેસીધા જોવા મળે ખરા ? સંઘને દરેક વાતના ખુલાસા અપાય છે ખરા ? પૂછનારા પૂછ્યા કરે અને વહીવટદાર તરફથી ઉડાઉ જવાબ મળ્યા કરે, એવું પણ આજે બની રહ્યું છે ને ? બધા વહીવટદારોની વાત નથી, પણ કેટલાક વહીવટદારો તો એવા પણ પાક્યા છે કે કોઈ જો વહીવટની ખામીની વાત કહેવા જાય, તો એને જ ઉધડો લે. વહીવટદાર તરીકે ખૂમારી એટલી રાખે કે એને કાંઈ કહેવા જતાં સંઘના માણસોને લાખ વિચાર થાય. સંઘ જો કોઈ કામમાં એમ કહે કે આ કામ નહિ કરવું જોઈએ; પણ એ વહીવટદા૨ને જો એ કામ કરવું જ હોય અથવા તો એ કામ થવા જ દેવું હોય, તો ઘણા કહે તોય એ વાતને એ વહીવટદાર ગણકારે નહિ. એમાં જો કોઈક બહુ તુમાખીખોર વહીવટદાર હોય, તો એ ગમે તેમ બોલે અને અનુકૂળતા હોય તો એમેય કહી દે કે ત્તે મલતે રહતે હૈં ગૌર હાથી પત્તા નાતા હૈ । – (આત્મોન્નતિનાં સોપાન)
૪૨
પૂ.આ. રામચન્દ્રસૂરિ સ્મૃતિગ્રંથમાળા - ૮૨
