Prabhu Puja Swadravyathi ke Devdravyathi

SR No.: 005795
Original Sutra Author: N/A
Author: Kirtiyashvijay
Publisher: Sanmarg Prakashan
Total Pages: 50
Language: Gujarati
Classification: Book_Gujarati & Devdravya
File Size: 8 MB

Page 45

શ્રી જૈનશાસનની મિલ્ક્ય છે, તેની વ્યવસ્થા, રક્ષા, અભિવૃદ્ધિ આદિ કરવાની ફરજ છે. શ્રી જૈનશાસનના સેવક તરીકે જ જો બધો વહીવટ કરવામાં આવે, તો વહીવટમાં શ્રી જિનાજ્ઞાની અવગણના થાય ખરી ? વહીવટ કરનારાઓને એ વાતનો ખ્યાલ છે ખરો કે આનો વહીવટ અમારે અમારી રીતે કરવાનો નથી, પણ શ્રી જૈનશાસનની મર્યાદાને અનુસરીને કરવાનો છે ? જો આ ખ્યાલ હોય, તો શ્રી જિનમંદિરાદિ ધર્મસ્થાનોમાં શું શું થઈ શકે અને શું શું થઈ શકે નહિ, તેમ જ શ્રી જિનમંદિરાદિનાં દ્રવ્યોનો ઉપયોગ શામાં થઈ શકે અને શામાં શામાં નહિ, એ વગેરે વહીવટને અંગે અતિશય જરૂરી વાતોને જાણવાનો, વહીવટદારો પ્રયત્ન કર્યા વિના રહે ખરા ? આજના શ્રી જિનમંદિરાદિના વહીવટદારો જાણકાર છે કે જાણવાની દરકાર રાખીને વર્તનારા છે ? એ બેયમાં નહિ અને વહીવટદાર ખરો, એ કરે શું ? .
શ્રી જિનમંદિરાદિ ધર્મસ્થાનોના વહીવટનું પણ ઘણું મોટું ફળ કહ્યું છે. ઘરબાર વગેરેનો વહીવટ પાપ રૂપ અને શ્રી જિનમંદિરાદિનો વહીવટ પુણ્ય રૂપ, પણ તે કરતાં આવડે તો ને ? શ્રી જિનમંદિરાદિનો વહીવટ કરતાં તો વહીવટ કરનાર જીવ ઉત્કૃષ્ટમાં ઉત્કૃષ્ટ કોટિના પુણ્યકર્મને યાવત્ શ્રી તીર્થંકરનામકર્મને પણ ઉપાર્જી શકે; પણ વહીવટ હાથમાં લઈને જે સ્વચ્છંદી બને, શ્રી જિનશાસનની મર્યાદાઓને લોપે, આશાતના વગેરે કરે કરાવે, તે એવું ઘોર પાપકર્મ ઉપાર્જે, કે તેવું પાપકર્મ કદાચ ઘરબારના ગમે તેવા વહીવટથી પણ ઉપાર્જી શકાય નહિ.
શ્રી જિનમંદિરાદિનો વહીવટ, શ્રી તીર્થંકરનામકર્મ જેવા પુણ્યકર્મના બંધનું કારણ શાથી બને ? એમાં ભગવાન શ્રી અરિહંત પરમાત્મા આદિની જેવી તેવી સેવા છે એ તારકના શાસનની રક્ષાનો જેવો તેવો ભાવ છે ? આજ્ઞાની આરાધના કરી શકાય એવી સૌને સગવડ કરી આપવાની ઓછી ભાવના છે ? સૌને સગવડ આપવાનો ભાવ છતાં, શ્રી જિનશાસનની કોઈ પણ મર્યાદાનું ઉલ્લંઘન નહિ ! આ બધું હોય નહિ ને શ્રી તીર્થંકરનામકર્મ બંધાઈ જાય ?
શ્રી જિનના નામે, શ્રી જિનની ભક્તિના નામે, શ્રી જિનની આજ્ઞાની આરાધનાના નામે જે કાંઈ પણ દ્રવ્ય એકત્રિત થાય, તેના ઉપર અધિકા૨ શ્રી જિનશાસનનો જ ગણાય અને એથી શ્રીસંઘના નામે પણ
- પૂ.આ. રામચન્દ્રસૂરિ સ્મૃતિગ્રંથમાળા - ૮૨
૩૮ ૪.