________________
ગયા. એ બધાંનો ખર્ચ કરતાં મુસલમાને જોયું કે “આ તો મૂડી સાફ થઈ ગઈ અને હજી લડાઈ તો થઈ જ નથી.” આથી તેણે એક દા'ડો વાણિયાને પૂછ્યું કે “અબ કબ લડના હૈ?”
વાણિયો કહે કે “લડવાનું વળી કેવું? તમારી સાથે તે લડવાનું હોય?” મુસલમાન કહે, કે ક્યાં જૂઠ બોલતા હૈ ? કઈ દિનોં સે તો લડને કી તૈયારી કરતા હૈ ઔર કિતને હી આદમી ઇકદ્દે કિયે હૈ, લડના હો તો લડ લે, લેકિન નિકમ્મા ખર્ચ ક્યો કરતા હૈ?”
વાણિયો હસીને કહે છે કે “પણ મેં તો એક પણ માણસ રાખ્યો નથી. પેલો સમજી ગયો કે “સાલે બનિયેને હમ કો બનાયા.” પણ મૂડી સાફ થઈ ગઈ હતી, એટલે મિજાજ ઊતરી ગયો. આવી રીતે તમે પણ કુનેહ તો વાપરી શકો કે નહિ ? કુનેહ વાપરીને દેવદ્રવ્યાદિનો સવ્યય કરી નાખો, તો પછી સરકાર, કાયદો કે બીજાઓ શું કરી શકશે?
સાત ક્ષેત્રમાં વાપરેલું ધન સાથે આવેઃ
ગૃહસ્થપણામાં તે જ સુખી કે જેને આરંભ અને પરિગ્રહ અલ્પ હોય અને તેમાં જ મનમાં શાંતિ હોય. મંદિરમાં જઈને, ભગવાનની પૂજા પણ નિરાંતે કરી શકે અને ભગવાન સાથે વાત પણ નિરાંતે કરી શકે. ભગવાનની જ્યારે એ સ્તવના કરે, ત્યારે એના અંતરમાં જાત જાતના ઉમળકા ઊઠે. ભગવાનની સ્તવનામાં એ એવો એકતાન બની શકે કે, એને સ્તવના કરતાં જોવાનું બીજાઓને ગમી જાય. એનો ભાવપૂર્ણ સ્વર સાંભળવાનું બીજાઓને ગમી જાય. ગીતાર્થ ગુરુ દ્વારા જ્ઞાનીની વાણીને પણ એ બરાબર સાંભળી શકે અને એનું ચિંતન કરી શકે. આ સિવાય જેનું મન આરંભ ને પરિગ્રહમાં ભમ્યા કરતું હોય, તેને ઉપાધિ કેટલી હોય? શી રીતે એ ભગવાનનાં દર્શન કરે, ભગવાનની પૂજા કરે અને ભગવાનને સ્તવે તથા જિનવાણીને એકચિત્તે સાંભળે? એ ભગવાનના દર્શનાદિ કરે, તોય એમાં એનું મન જે રીતે ઠરવું જોઈએ, તે રીતે ઠરે નહિ.
સભા : ધનને સાથે લઈ જવાનો કોઈ ઉપાય હોય, તો તે શોધવાનું મન થાય.
૧૦-પ્રભુપૂજા સ્વદ્રવ્યથી કે દેવદ્રવ્યથી?
