Page Text
________________
ગયો. પાપની સામે પુન્યની જબ્બર તાકાત છે. ઋષભદાસ કવિ પૂર્વના જીવનમાં ઉપાશ્રયનો કચરો કાઢતા હતા. આજે કોઈ મંદિર-ઉપાશ્રયનો કાજો કાઢવા તૈયાર થાય ? એય પાંડુ ? આટલો કાજો લઈ લે. ઓર્ડર કરી દે. અંદરની દર્શનની તલપ ઘણાં અશુભપાપોને ખતમ કરે છે. પહેલાં કચરો કાઢવા ઇચ્છા કરવી જોઈએ.
બાઈઓ આલોચના લખે, બીજાની ચાર સુવાવડ કરી, બીજાની નિંદા કરી... પણ આખી જીંદગીમાં દેરાસરનાં વાસણ ક્યારેય માંજ્યાં ? માથા ઉપર અભિષેકનું પાણી ભરીને લાવ્યાં ? આ શરીરથી પુન્ય કમાવાની લાખો તક છે. પરમાત્માના મંદિરમાં કાજો કાઢતાં જેને શરમ આવે તેને નીચગોત્ર બંધાય.
આપણે મોટા કામને નીચું કરી લીધું છે. એક આચાર્યમહારાજે પોતાના શિષ્યને વિદ્વાન બનાવવા દેવી દ્વારા ગુટિકા આપવા રાખેલી પણ ઉપાશ્રયમાં પડી હતી તે કાજો કાઢતાં ઋષભદેવના હાથમાં આવી ગઈ અને તેમણે મોંમાં નાખી દીધી. પુન્યનો પ્રભાવ. શીઘ્ર કવિ બની ગયા અને ઘણી રચનાઓ તેમની મોટા આચાર્યોએ પણ માન્ય રાખી. પણ આ બધું ઉપાશ્રયનો કાજો લેવાના પુન્યથી બન્યું.
પુન્યકર્મને બેલેન્સ કરતાં શીખો, શુભ પુન્ય ઘણું કરો. કોઈક કાળો બજારી પુન્યકર્મ કરે તો તેને પણ પાંચ લાખ ખર્ચવા આપો. ભૂંડાં કામ કરવાવાળાને ભલાં કામ કરવાની રજા આપો. દારૂડિયાને પણ પૂજા કરવાની છૂટ આપો તો તેનો દારૂ ધીમે ધીમે છૂટી જશે. પાંચસો આયંબિલ કરતાં કરતાં પાંચ તો સારાં થશે જ. પગલે પગલે પંથ કપાય, સ્મોલ સ્મોલ પુન્યને કરો. ગવર્નરની પંક્તિ-નાની બચતમાં નાણાં રોકો. ટ્રેનમાં ઊભેલી બાઈને બેસાડીને પુન્ય કરી શકાય. આંધળાને આંગળી પકડીને રસ્તો ઓળંગી શકાય. ભૂલાં પડેલાં સાધુસાધ્વીને રસ્તો બતાવીને પણ તનથી પુન્ય કરી શકાય. આ રીતે તન અને મનનાં પુન્ય બતાવ્યાં.
સોનેરી સુવાક્ય
ખરાબ સ્વભાવ તો આપણા ખુદના માટે ય નરકની ગરજ સારે છે જ્યારે સારો સ્વભાવ તો બીજાના માટે ય સ્વર્ગની ગરજ સારે છે. આટલી સીધી સાદી વાત સમજવા છતાં ય આપણે આપણો સ્વભાવ સુધારવા તૈયાર નથી એ ય આશ્ચર્યની વાત જ છે ને ?
પ્રવચન સત્તરમું : તત્ત્વાર્થારિકા પરમાર્થા લાભે વા, દોષેશ્વારંભક સ્વભાવેષ કુશલાનુબંધ મેવ સ્યાદનવધ યથા કર્મ....૩
અનંતકાળથી કલેશ અને કર્મોથી રઝળપાટ કરી છે. બાયચાન્સ મનુષ્યજન્મની ફાટક ખૂલી ગઈ છે.
પણ હજુ તો ગોડાઉનમાં ઘણો માલ પડ્યો છે. જાણે તાજ્યેતાજ્જા પશુના કુસંસ્કારોથી ભરેલા હોઈએ તેવું આપણાં અપલક્ષણો જોતાં લાગે.
હજુ આપણી અનાદિની ચાલ બદલાઈ નથી. જગ્યા ચેન્જ થઈ છે. દિવાલ-રૂમ બદલાય પણ માણસ હજુ બદલાયો નથી. ચેન્જ ઓફ એડ્રેસ થયું પણ વિચાર-વર્તન, વાણી બદલાયાં નથી.
그리고
| SR No. | 005787 |
| Book Title | Tattvartha Karika |
| Original Sutra Author | N/A |
| Author | Kirtipurnashreeji |
| Publisher | Kirtipurnashreeji |
| Publication Year | |
| Total Pages | 136 |
| Language | Gujarati |
| Classification | Book_Gujarati |
| File Size | 16 MB |