350 Gathanu Stavan

SR No.: 005778
Original Sutra Author: N/A
Author: Gunhansvijay
Publisher: Kamal Prakashan Trust
Publication Year: 2011
Total Pages: 132
Language: Gujarati
Classification: Book_Gujarati
File Size: 17 MB

Page 83

ORROOOOOO
GIGOGOO
દે... હવે આટલા બધા પાઠો લોકો સાંભળે એટલે બધાને એના તરફ વિશ્વાસ ઉભો થતો જાય. ‘મહારાજની વાત તો શાસ્ત્રાનુસારી છે. આ પ્રમાણે જ હોવું જોઈએ. જેઓ આવું નથી માનતા-નથી કરતા, તેઓ બધા ખોટા જ છે...'એવા નિર્ણય પર આવી જાય.
આમ બહુશ્રુતજ્ઞાનવાળો પુસ્તકાદિના આધા૨ે પોતાના મતનો ચારેબાજુ ફેલાવો કરી શકે...આ રીતે સેંકડો-હજારો લોકો મિથ્યામતના પુજારી બને, મિથ્યાત્વી-આચારભ્રષ્ટ બને..કદાગ્રહી બને...આમાં જિનશાસનને તો નુકસાન થવાનું જ ને ? પ્રત્યેક મિથ્યામત જિનશાસનને માટે તો શત્રુ જ બની રહેવાનો. એ હજારો લોકો, પરંપરાએ લાખો- કરોડો લોકો આત્મહિત ગુમાવવાના, તેઓ જિનશાસનના વિરોધી બનવાના, જિનશાસનની સાચી માન્યતાને ખોટી સાબિત ક૨વાના...... જિનશાસનના સંરક્ષકોએ એક નવો યુદ્ધનો મોરચો શરુ કરવો પડવાનો...આ બધામાં જિનશાસનને નુકસાન થવાનું જ થવાનું. ભલે સંરક્ષકો તમામ તાકાત લગાડીને વિજય મેળવી પણ લે, છતાં એ બધા મિથ્યામતીઓને ફરી જિનશાસનનો મત સ્વીકાર કરાવી શકવાના નથી. એમને ખોટો પ્રચાર કરતા રોકી શકવાના નથી..અને વિજય મેળવ્યા બાદ પણ જિનશાસનને નાના મોટા ફટકા તો પડ્યા જ કરવાના.
તાજેતરમાં જ એક મુગ્ધ મુનિએ મહાનિશીથ-ગચ્છાચારાદિના પાઠોને આધારે ચારેબાજુ પ્રચાર કર્યો કે “બે ઘડી પહેલા જે સાધુઓ ચોવિહાર ન કરે, તેઓને રાત્રિભોજનનો દોષ લાગે, વ્યાખ્યાનની પાટ વાપરે તેઓ ઉન્માર્ગગામી ગણવા...” વગેરે.
એમણે ઉત્સર્ગ ગ્રન્થોના ઘણા પાઠો આપ્યા, એટલે ઘણાઓને એ વાતો સાચી લાગી, ઘણા એમના અનુયાયી બન્યા, ઘણાઓ બાકીના સાધુ-સાધ્વીઓને આચારભ્રષ્ટ,મિથ્યાત્વી માનવા લાગ્યા, પરસ્પર ઘણા ઝગડાઓ-સંકલેશો ઉભા થયા.....આ તો શાસનનું સૌભાગ્ય કે એ મુનિને અચાનક શું સુઝ્યું કે એમણે રંગે ચંગે દીક્ષાત્યાગ કર્યો. ટાઢે પાણીએ ખસ ગઈ. જો આમ ન થયું હોત તો એમના દ્વારા નવો પંથ ઉભો થાત, જિનશાસન માટે, એના સંરક્ષકો માટે એક નવા શત્રુનો સામનો કરવાનો અવસ૨ આવત.
જો આ મુનિ પાસે એ અધકચરું શ્રુતજ્ઞાન હોત જ નહિ, કશું ભણ્યા જ ન હોત...... તો આ નવો મત ઉભો કરી જ ન શકત. શાસ્રપાઠો વિના તો એમની વાતો સાવ પગ-માથા વિનાની જ લાગત અને એટલે મુગ્ગલોકો પણ એ ૩૫૦ ગાથાનું સ્તવન (૦૪)
398OC
ROORRO