Page Text
________________
અન્ન પણ પાપ કરે, તે મોહરાજની શક્તિ, કાન-નાક-પગ-હાથ રહિત વૃદ્ધાને પણ નવિ જોતા. પન. ૪૧
માતપુત્ર
જોઈએ. કેમકે એમાં ઘણા દોષો ઉત્પન્ન થાય. દા.ત. સંયમી કોઈ ભક્ત શ્રાવકને ત્યાં યાચના કરે કે “દળેલી ખાંડ છે ?” શ્રાવિકા એ ખાંડ ન હોવાથી ત્યારે તો ના પાડે, પણ પછી ૨ તરત જ મિક્ષ્ચરમાં આખી ખાંડને પીસી નાંખી દળેલી ખાંડ તૈયાર કરી દે. બીજા દિવસથી કાયમ દળેલી ખાંડ મળવા માંડે. આમ સંયમીની આ વાણીથી તેજસકાયની હિંસા વગેરે ઘણા દોષો પ્રગટે.
એમ “આંબિલના લુખા ખાખરા છે” એવી યાચના કરે અને જો શ્રાવિક એકદમ ભાવવાળા હોય તો બીજા દિવસથી ચોપડ્યા વિનાના લુખા ખાખરા તૈયાર રાખવા માંડે. બહાનાઓ કાઢી, જુઠ્ઠું બોલી ભક્તિ ભાવથી એ આધાકર્મી ખાખરા સંયમીને વહોરાવે. એને તો હજી પુણ્યબંધ થાય પણ આ બધી હિંસા થવાથી સંયમીને કેટલો મોટો દોષ ?
આમ કોઈપણ વસ્તુની યાચના કરવામાં આવા અનેક દોષો ઉત્પન્ન થવાની શક્યતા રહે. આ બધા જ યાચનાવચનો સાવદ્ય વચન બને.
(૪) “અમે આવતીકાલે અહીંથી વિહાર કરશું” એક પ્રસિદ્ધ તીર્થસ્થાનમાં મુખ્ય સાધુએ ટ્રસ્ટીને વાત કરી. ત્યાં ઘણા સાધુઓને જોગ ચાલતા હતા. ૨૦૦-૩૦૦ ઘરો હોવાથી ગોચરી વગેરે સુલભ હતા. એટલે જ મુખ્ય સાધુની આવી વાત સાંભળી ટ્રસ્ટી આશ્ચર્ય પામ્યા “સાહેબ ! અમારી કોઈ ભુલ થઈ ? આપ ચાલુ જોગમાં વિહાર કરી જશો ?”
અને સાધુથી અજાણતા ગંભીર ભુલ થઈ ગઈ. “જોગના હિસાબે જ વિહાર કરવો પડે છે. આ તીર્થના ચોગાનમાં મોટું ઝાડ છે. એમાં ઢગલાબંધ પંખીઓ માળા બાંધીને રહે છે અને એટલે એને ખાવા બિલાડીઓ આવે છે. રોજ એકાદ બે કલેવર પડે છે. વળી રોજ એકાદ બે ઈંડા ફુટે છે. અમારે તો રોજ આ માંસ-ઈંડાથી અસજઝાય થાય છે. એટલે જ વિહાર કરવો પડે છે. તમારો કોઈ દોષ નથી.”
અને ટ્રસ્ટીએ સાધુઓને કંઈપણ પુછ્યા-કહ્યા વિના અતિશય વિરાટ એ વૃક્ષ કપાવી નાંખ્યું. હાય ! સેંકડો પંખીઓ નિરાધાર બન્યા, પ્રત્યેક વનસ્પતિની ઘોર હિંસા થઈ.
(૫) “સાહેબ ! તમે આ ક્ષેત્રમાં શા માટે મહીનો રહેવા નથી આવતા ?” શ્રાવકે પ્રશ્ન કર્યો અને ભોળા સાધુએ કહી દીધું કે “અમારા આચાર્યશ્રીને અનુકૂળ એવી ગોચરી (શાલિઓદન) અત્રે મળતી નથી. (પ્રાચીન કાળનો આ પ્રસંગ છે. તે વખતે શાલિ પ્રકારના ભાત વિશિષ્ટ દ્રવ્ય ગણાતું. આચાર્યશ્રી માટે ઉત્તમ દ્રવ્ય ગણાતું.)
અને શ્રાવકે શાલિ ચોખાના બીજ મંગાવી ખેતરોમાં એની મોટા પાયે ખેતી શરુ કરી. પુષ્કળ શાલિ ઉગાડ્યા, ઘેર ઘેર એ ચોખાઓ આપ્યા કે જેથી સાધુઓને આધાકર્મીની શંકા ન પડે.
વીર વીર વીર વીર વીર અષ્ટપ્રવચન માતા ૭ (૪૧) વીર વીર વીર વીર વીર
| SR No. | 005775 |
| Book Title | Asht Pravachan Mata |
| Original Sutra Author | N/A |
| Author | Gunhansvijay |
| Publisher | Kamal Prakashan Trust |
| Publication Year | 2006 |
| Total Pages | 328 |
| Language | Gujarati |
| Classification | Book_Gujarati |
| File Size | 9 MB |