________________
- સાકરથી પણ મીઠા વચનો, જેહ સદા ઉચ્ચારે, પોતે સહન કરીને સૌનું પૃથ્વીને શરમાવે. ધન. ૬
સિદ્ધ કરવા સાધના ન કરવી પડે, માત્ર બોલતાની સાથે જ જે સિદ્ધ થાય અથવા જેનો અધિષ્ઠાતા દેવ હોય તે મંત્ર.
અદૃશ્ય કરનારા, આંખમાં આંજવામાં ઉપયોગી દ્રવ્યો વગેરે ચૂર્ણ કહેવાય. જે લેપ વગેરે પગમાં લેપવાથી પાણી ઉપર પણ તરી શકાય, એ લેપાદિ યોગ કહેવાય.
વર્તમાનમાં આવી બધી વિશિષ્ટ શક્તિઓ ભાગ્યે જ જોવા મળે છે. માટે જ આ દોષો લાગવાનો સંભવ ઓછો છે.
જો કે મંત્રિત વાસક્ષેપ, પદ્માવતી વગેરેના મંત્રો વગેરેના સહારે કેટલાક સંયમીઓ શ્રાવકોને ભક્ત બનાવી પોતાના ધાર્યા કામ કરાવી લે છે. જે સંયમીઓ આ રીતે ગોચરી મેળવતા હોય તેઓની ગોચરી વિદ્યાદિદોષવાળી બને.
મૂલકર્મ : ગર્ભાધાન, ગર્ભપાત, લગ્ન, છુટાછેડા વગેરે કરાવનારા સંયમી એ રીતે જે ગોચરી મેળવે એ મૂલકર્મદોષવાળી ગોચરી ગણાય.
આ અતિભયંકર કક્ષાનું પાપ છે.
(ક) જો સાધુઓ (૧) પોતાના ભક્તોના દીકરા-દીકરીઓના પરસ્પર લગ્નો ગોઠવી આપતા હોય, (૨) કોઈક શ્રીમંત શ્રાવકને પોતાનો ભક્ત બનાવી દેવા તેના દીકરા સાથે પોતાની ભક્તાણી કન્યાને પરણાવવાની પ્રવૃત્તિ કરતા હોય (૩) પોતાના ભત્રીજો, ભત્રીજી, ભાણેજ, ભાણેજી, ભાઈ, બહેન વગેરેનો સંસાર મંડાતો ન હોય તો એમના માટેની સીધી કે આડકતરી મહેનત કરતા હોય અને એમાં સફળ પણ થતા હોય. (૪) જે બહેનોને સંતાન
ન થતું હોય એને એ માટે વાસક્ષેપ નાંખી આપતા હોય, સંતાન માટેની રક્ષા પોટલી આપતા વી ર હોય. (૫) અનાચાર સેવવાથી ગર્ભવતી થયેલ બહેનના ગર્ભને’પાડી નાંખવા માટેની
ઔષિધ આપતા હોય.
તો એ સાધુઓ મૂલકર્મ દોષવાળા બને છે. આ બધું શ્રમણ ભગવાન મહાવીરનો શ્રમણ કરે એ શક્ય જ નથી. પણ આ હળહળતો કળિયુગ છે ! કશુંય અશક્ય નથી.
હજી ગર્ભાધાન, ગર્ભાપાતાદિના પાપો સુધી તો શ્રમણ-શ્રમણીઓ નહિ જ જતા હોય. પરંતુ પોતાના સંસારી સ્વજનમાં ગણાતા છોકરા-છોકરીઓના ઠેકાણા પાડવામાં સીધી કે આડકતરી રીતે, જાણતા કે અજાણતા મહત્ત્વનો ભાગ ભજવી જતા હોય એવી શક્યતા તો છે જ.
(ખ) જે શ્રાવકો વર્ષોથી તે તે સાધુની બધી રીતની સેવા કરતા હોય, તન, મન, ધનથી સહકાર આપતા હોય. એ શ્રાવકો જ્યારે પોતાના દીકરા-દીકરીના પ્રશ્નો લઈને સાધુ પાસે વીર વીર વીર વીર વીર અષ્ટપ્રવચન માતા ૭ (૧૧૪) વીર વીર વીર વીર વીર ૨