________________
દુર્ગાઢ પડતા રાખે મુનિને, દશ શાન્ત્યાદિક ધર્મો, શુભભાવથી જે પાળે તે, ભવરણમાં નવિ ભટકે ધનર
ચારિત્ર બાળકનો ગર્ભાવસ્થાનો કાળ શરુ થઈ ગયો. આઠમાતાઓના ઉદરમાં એ બાળક સંવર્ધન પામવા માંડ્યું.
અંતે જોષીએ કુંડળી જોઈ, દીક્ષાનો દિવસ નક્કી થયો, હસતા મુખે, હસતા હૈયે, હર્ષાશ્રુ સાથે સદ્ગુરુના હસ્તે રજોહરણનો સ્વીકાર થયો. મન ભરીને મુમુક્ષુ નાચ્યો.
પણ સબૂર ! આ ય હજુ ચારિત્ર બાળકની ગર્ભાવસ્થા જ છે. ચારિત્રનો જન્મ, મુનિનો જન્મ તો જ્યારે એ પાંચ મહાવ્રતોને આત્મસાક્ષીએ, ગુરુસાક્ષીએ, અનંતા તીર્થકરોની સાક્ષીએ, ચતુર્વિધ સંઘની સાક્ષીએ ઉચ્ચરશે, ત્યારે થશે.
દીક્ષાના પ્રથમ દિવસથી જ અષ્ટ પ્રવચન માતાનું પાલન વધુ વેગવંતુ બન્યું. બરાબર નીચે જોઈ જોઈને ચાલવું, આખું મોઢું બરાબર ઢંકાઈ જાય એ રીતે મુહપત્તી રાખીને બોલવું; યોગ્ય અવસરે ૪૨ દોષ વિનાની ગોચરી જાણવી - લાવવી, કોઈપણ વસ્તુ લેતા મૂકતા સતત આંખોથી જોવાનું અને ઓઘાથી પુંજવાનું, માત્ર-સ્થંડિલ વગેરે અશુચિઓ તદ્દન નિર્દોષ સ્થાને, શાસ્ત્રાનુસારી વિધિથી પરઠવવા. મનમાં ક્યાંય ખૂણે-ખાંચરે નાનકડો પણ અશુભ વિચાર પ્રકટી ન જાય એ માટે ચોવીસ કલાક જાગ્રત રહેવું, જરૂર ન હોય તો એકેય અક્ષર ન બોલવો - વચનોચ્ચાર ન કરવો, કારણ વિના પગનો અંગુઠો ય ન હલાવવો, સ્થિરએકદમ સ્થિર બેસી રહેવું. આ અષ્ટમાતાઓનું પાલન એ નૂતનદીક્ષિત કરતો જાય. મહાગીતાર્થ ગુરુભગવંતો એને બરાબર તાલીમ આપતા જાય.
રાજરાણીના પેટમાં જ્યારે રાજકુમારનો ગર્ભ હોય, ત્યારે એ રાજરાણીની કેટલી બધી કાળજી લેવામાં આવે ? આખુંય રાજકુળ રાજરાણીની રક્ષા માટે ખડે પગે તૈયાર હોય. તો આ નૂતનદીક્ષિતના આત્મામાં, અષ્ટ પ્રવચનમાતાના ગર્ભમાં ચારિત્ર બાળક ઉછરી રહ્યું છે.
ચારિત્ર એટલે શું ? એ રાજકુમાર છે ? એ વાસુદેવ છે ? એ ચક્રવર્તી છે ? ના રે ના! એ તો એનાથી ય અનંતગુણ ચડીયાતો આત્મગુણ છે. આઠ માતાઓના ગર્ભમાં જ્યારે આ ચારિત્ર ઉછરી રહ્યું હોય, ત્યારે ખુદ આચાર્ય દેવ, આખો ય ગચ્છ એ નૂતનદીક્ષિતની આઠ માતાઓને લેશ પણ હાનિ ન પહોંચે, આઠ માતાઓને સતત પોષણ મળતું જ રહે એ માટે પ્રયત્નશીલ હોય જ. એમાં વળી આશ્ચર્ય શું ?
ર
ર
ગચ્છના પ્રત્યેક સંયમીઓ નૂતનદીક્ષિતની આઠ માતાઓની કાળજી કરે. એ નૂતનદીક્ષિત ક્યાંય કશી ભુલ કરી ન બેસે એ માટે સતત તેઓ જાગ્રત રહે અને નૂતનદીક્ષિતને ય પ્રેરણા કરતા રહે.
વીર વીર વીર વીર વીર અષ્ટપ્રવચન માતા ૦ (૨) વીર વી વીર વીર વીર