________________
આત્મા, પાપ, પુણ્ય, સ્વર્ગ, નરક, મોક્ષ આદિ પદાર્થોની બાબતમાં યથેચ્છ પ્રલાપો કરીને પોતાના જ ભાવિને વધુ અંધકારમય બનાવી રહ્યા છે અને તેનું મૂળ કારણ છે તેમના આત્મામાં જામી પડેલું ગાઢ મિથ્યાત્વ.
આ મિથ્યાત્વ, મિથ્યાને સત્ય સમજાવે છે, સત્યને મિથ્યા સમજાવે છે.
પરમ ઉપકારી શ્રી જિનશાસનને પામેલા વિશ્વહિતચિંતક પરમર્ષિઓએ જીવને આ મિથ્યાત્વના કલણમાંથી બહાર કાઢીને સમ્યકત્વના રાજમાર્ગ પર ચઢાવવા માટે પોતાના એક એક શ્વાસ સુદ્ધાને ખર્ચી નાખવામાં કોઈ કંજૂસાઈ નથી કરી, તે આ ગ્રંથ વાંચતાં-વિચારતાં ઝટ પ્રતીત થાય છે.
કહેવત છે કે “સોબત તેવી અસર'. તો પછી આપણા આખા શરીરમાં આત્મા વ્યાપેલો હોવા છતાં, આપણી સાથેનેસાથે રહેવા છતાં આપણે તેની અસર નીચે નથી આવ્યા, તેના સ્વભાવને જ આપણો સ્વભાવ નથી બનાવી શક્યા તે શું ઓછા અચંબાની વાત છે ?
તાત્પર્ય કે આપણને આત્મા સાથે મેળ નથી, મનમેળ નથી. આપણાં મન બીજે ઢળેલાં છે.
આપણે સંસારમાં જીવીએ છીએ. આત્મા, સ્વભાવમાં સદા મગ્ન રહે છે.
| આઠમી પરાષ્ટિની સઝાય....
૧૯૫