________________
(આલોચના) વિનયાદિ ગુણયુત મુનિશ્રી મહાસેનવિજયજી જોગ, અનુવંદનાદિ
સુ. ૧૩ અને વદી ૧ ના લખેલા બંને પત્રો મળ્યા છે.
તમારી આલોચના જોઈ લીધી છે. જયણામાં ધર્મ છે. કોઈપણ દોષનું સેવન કરવા વખત આવે ત્યારે તે વખતે યતનાના પરિણામ જેટલા હોય તેટલો ધર્મ છે. નિઃશૂકતા ન આવે અને સેવાયેલા દોષોના પશ્ચાતાપના પરિણામ હોય તો આલોચનાથી શુદ્ધિ થઈ શકે છે. તમારી આલોચના પેટે ૧૨૦, ઉપવાસ સ્વાધ્યાયાદિ થી કરી આપશો. તેમાં ત્રણ ચોમાસી તથા સંવત્સરીની આલોચના આવી જાય છે. હવેથી જે કોઈ મોટા દોષોનું સેવન થાય તેની નોંધ રાખશો. સ્વ દોષ ગહ અને સુકૃતાનુમોદના પૂર્વક યથાશક્તિ પ્રભુ આજ્ઞાનું પાલન થાય છે, તે જ આ દુઃખમકાળમાં તરવાનું આલંબન છે.
ઓપરેશન સુખપૂર્વક થઈ ગયું અને તકલીફ ઓછી થઈ ગઈ, તે શુભોદય સમજવો. શરીર અશક્ત છે ત્યાં સુધી વાતચીત વગેરેનો શ્રમ ઓછો લેવો. અને આરાધનામાં યથાશક્તિ લીન રહેવું જેથી માનવજીવનની દુર્લભક્ષણો સાર્થક થાય.
પાંચ મહાવ્રતોના પાલન પૂર્વક પંચ-પરમેષ્ઠિ સ્મરણાદિમાં મન વચન કાયાના યોગો જોડાય છે તેનું ખૂબ અનુમોદન કરવું, જેથી પુણ્યાનુબંધી પુણ્ય ઉપાર્જન થાય અને એક જજન્મમાં અનેક જન્મો પર્યંત ચાલે તેવી આરાધના એકત્ર થાય, તથા પરંપરાએ મુક્તિના અવ્યાબાધ સુખોના ભાગી થવાય. શ્રી કુંદકુંદ વિ. વજસેનવિ. સર્વે તરફથી વંદનાદિ વાંચશો.
