________________
પુરતો લાભ લેશો.
જે કાંઈ નથી થઈ શકતું, તેનો હૃદયથી પશ્ચાતાપ થઈ શકે છે, અને તેનું અંતરથી અનુમોદન એ જ આપણા માટે તરવાનો ઉપાય છે. ગર્તા અને અનુમોદના સહિત અરિહંતાદિ પરમેષ્ઠિઓનું સ્મરણ – ધ્યાન - ચિત્તની નિર્મળતા કરે છે અને ચિત્તની નિર્મળતા આત્મજ્ઞાનમાં કારણ બને છે. અનેક ભવના શુભ અભ્યાસથી તે સિદ્ધ થાય છે. કોઈ લઘુકર્મી આત્માને તે જ ભવમાં અથવા સાત-આઠ ભવમાં સિદ્ધ થાય છે. સાથે સાત્વિક વાંચન પણ ચાલુ રાખશો.
- વીરરસ ઘણાં અપ્રમત્ત પણ હોય છે. રાગદ્વેષ કષાયને જીતનારા પણ ઘણાં છે. સર્વવિરતિ લઈને અપ્રમત્ત જીવન જીવનારા પણ ઠીકઠીક છે. એમને જોવાથી ધર્મ આવે, ધર્મમાં ઉત્સાહ આવે. અથવા બીજાનું દુઃખ જોઈને પરોપકાર જાગે, પોતાનાથી બનતી સહાય કરે, જગડુશાહ, ભામાશા વગેરેનું સહાય-સામર્થ્ય જોઇને પરાક્રમ ફોરવે, ઉત્સાહ વધારે, તે વીરરસ ! એનો સ્થાયીભાવ-ઉત્સાહ!
