________________
(ચારિત્રનો પાયો).
સીનોર, મહાવદી ૧૩ સં-૨૦૦૮
દેવગુરુભક્તિકારક સુશ્રાવક માણેકચંદ પુંજાભાઈ જોગ, ધર્મલાભ
તમારો રાધનપુરથી લખેલો વદી ૧નો પત્ર મળ્યો છે. તમારી તીર્થયાત્રાની હકીકત જાણી આનંદ થયો. ભરૂચ, કાવી અને શંખેશ્વરજી, ત્રણે અપૂર્વ તીર્થો છે અને તેને ભેટવાનો અવસર તમને મળ્યો, એ પૂર્ણપુણ્યનો ઉદય સમજવો. શંખેશ્વરમાં રહી લાખ નવકાર ગણવાનો ભાવ થયો એ પણ ઘણું જ ઉત્તમ છે. અનુકૂળતા મુજબ તે ભાવના પૂર્ણ કરવી. સ્થિરતાપૂર્વક ગણવા માટે વીસ દિવસ જોઈએ અને તેમાં બને તો એકાસણાથી ત્રિકાળ જિનપૂજન તથા સંથારે શયનપૂર્વક કરવું.
માર્ગાનુસારિતાને વિકસાવવાથી ઘર્મનો પાયો મજબુત બને છે અને મજબુત પાયા ઉપર ચણાયેલો ધર્મનો મહેલ કાયમ ટકે છે. પાયાથી ચણતર ન થયું હોય તો ફેર પાછું તેને કરવું જ પડે છે. માટે પહેલેથી જ પાયો મજબુત બનાવવો એ શ્રેષ્ઠ છે, તે પણ ચારિત્ર ધર્મની પ્રાપ્તિના ઉપાયરૂપ છે, એમ માનવું. અંતે સિદ્ધિચારિત્ર ધર્મના પૂર્ણ આરાધનથી જ થાય
