________________
૪૩
અને તેના રહસ્યો
મંત્રાર્થઃ અત્યંત નિર્મળ એવા સર્વ તીર્થોના જળને નમસ્કાર થાઓ, નમસ્કાર થાઓ. આવું નિર્મળ જળ મને અશુચિમાંથી શુચિ (શુદ્ધ) કરો. (અર્થાત્ અપવિત્ર એવો હું પવિત્ર થાઉં, એવો ભાવ છે.)
ભાવાર્થ : શરીર ઉપર લાગેલા મેલને દૂર કરવા આપણે દરરોજ સ્નાન કરીને શરીરને શુદ્ધ કરીએ છીએ. આત્મા ઉપર લાગેલા કર્મરૂપી મેલને આપણે જોઈ શકતા નથી તો તેને દૂર કરવા શું કરવું ? તે માટે મંત્રસ્નાન જરૂરી છે. બે હાથનો ખોબો ધરી, શાંત ચિત્તથી આ મંત્ર બોલીને આપણે કલ્પના કરીએ છીએ કે જાણે દરેક પવિત્ર તીર્થોના જળ આપણા ખોબામાં ભરાઈ ગયા છે અને મંત્ર બોલતી વખતે બે હાથ મસ્તક ઉપર ફેરવી જાણે કે આપણે સ્નાન કરતા હોઈએ તેવી મુદ્રા કરવાની છે. આ રીતે શરીર સાથે મનની પણ શુદ્ધિ થાય છે. પવિત્ર તીર્થોનું જળ ખોબામાં ભરીને જાણે સ્નાન કરતા હોઈએ અને તેના દ્વારા આત્મા ઉપર લાગેલા કર્મમલને દૂર કરવા પ્રયત્ન કરતા હોઈએ, એવી સાધક આત્માની ભાવના છે.
કલ્મષ દહન મંત્રઃ ૐ વિદ્યુત્ સ્કૂલિંગે મહાવિદ્ય સર્વકલ્પષે દહ દહ સ્વાહા.
મંત્રાર્થઃ વીજળી જેવા તણખલાવાળી હે મહાવિદ્યા તું અમારા સર્વ પાપો બાળીને ભસ્મ કર, ભસ્મ કર.
ભાવાર્થ : આ મંત્ર બોલી બંને ભૂજાઓ ઉપર હાથ ફેરવતા ફેરવતા એમ વિચારવું કે મારા બધા મલિન વિચારો આ મહાવિદ્યાના પ્રભાવથી નષ્ટ થઈ રહ્યા છે અર્થાત્ હું અશુદ્ધ વિચારોનો ત્યાગ કરી શુદ્ધ વિચારોવાળો બની રહ્યો છું.
Jain Education International
For Personal & Private Use Only
www.jainelibrary.org
