Arhat Jivan Jyoti

SR No.: 004887
Original Sutra Author: N/A
Author: Hiralal R Kapadia
Publisher: Bhagwanlal Pannalal
Publication Year: 1942
Total Pages: 98
Language: Gujarati
Classification: Book_Gujarati
File Size: 4 MB

Page 60

છઠ્ઠી કિરણાવેલી
પ૧ ત્યારે આ કઢાઈમાં રાધાનું પ્રતિબિંબ જોઈ, પોતાનું મુખ નીચું રાખી, ઊંચે બાણ મારી, રાધાની ડાબી આંખ વીંધવા માટે એક પુરુષ તૈયાર થયો. એ રાધાવેધ સાધવામાં ફાવી ન જાય તે માટે ચાર જણ ચાર દિશામાં ઊભા રહી તેને અડચણ કરવા લાગ્યા. બે પુરુષો પાસે ઊભા રહી તેને ધમકી આપવા લાગ્યા કે જો તું રાધાવેધ નહિ સાધી શકે તે અમે તારું માથું ઉડાવી દઈશું. એના કલાગુરુ પણ એને એવી જ બીક દેખાડવા લાગ્યા. બીજા બાવીસ માણસો એ નિશાન ચૂકી જાય તેમ વર્તવા લાગ્યા. આ પ્રમાણે ર૮ જનોની પરવા ન કરતાં તેણે રાધાવેધ સાધ્યો. તેને આ કામ જેટલું વિકટ જણાયું તેના કરતાં વિશેષ વિકટ કાર્યો મનુષ્યભવ મેળવવાનું છે.
ચામડાનું ઉદાહરણ–એક ઠેકાણે એક લાખ યોજનાના વિસ્તારવાળું તળાવ હતું. તેના ઉપર જાણે ચામડું પાથર્યું હોય તેમ તેમાં બધે લીલ પથરાઈ ગઈ હતી. એક દિવસ પવન ફૂંકાતાં લીલમાં છિદ્ર પડ્યું. એ તળાવમાં એક કાચબો રહેતો હતો. એમાંથી તેને ચન્દ્ર દેખાયો. આથી તેણે એવો વિચાર કર્યો કે હું મારા કુટુંબીઓને એ બતાવું. તે તેમને બોલાવી પાછો આવ્યો તેટલામાં તો પેલું છિદ્ર પૂરાઈ ગયું અને એનો મનોરથ તો મનમાં જ રહી ગયો. – એને ફરીથી આવો પ્રસંગ મળવો જેટલો દુર્લભ છે તેનાથી પણ વિશેષ દુર્લભ મનુષ્યભવની પ્રાપ્તિ છે.
- ધુંસરીનું ઉદાહરણ ધારો કે એક જણ રવયંભૂરમણ સમુદ્રના પૂર્વ કિનારા ઉપર ઊભો રહી તેમાં ધુંસરી નાખે અને બીજો એના પશ્ચિમ કિનારેથી ખીલી નાખે. આ ધુંસરી અને ખાલી ભેગાં મળે ને ધુંસરીમાં ખીલી આપોઆપ પેસી જાય એમ બનવું. જેટલું મુશ્કેલ છે તેથી અધિક મુશ્કેલીવાળું કાર્ય મનુષ્યભવની પ્રાપ્તિ છે.
પરમાણુનું ઉદાહરણ–ધારો કે એક દેવ એક થાંભલાનો ખૂબ ચૂરેચૂરો કરી તેના પરમાણુઓને એક નળીમાં ભરે. પછી તે મેરુ પર્વતની ટોચ ઉપર જઈ ફૂંક મારી તે બધાને ઉડાવી દે અને ત્યાર બાદ તે પરમાણુઓને એકઠા કરી તેને ફરીથી પહેલા જેવો થાંભલો બનાવવા મહેનત કરે. આ કાર્યમાં તે જેટલે અંશે સફળ થાય એનાથી ઘણુ જ ઓછા અંશે મનુષ્યજન્મ ફરીથી મેળવવામાં સફળતા મળે તેમ છે.