Page Text
________________
આહત જીવન જ્યોતિ શકે? એ બોલ્યાઃ સંઘ બહાર મૂકવા. ત્યારે તેઓ બોલ્યાઃ આપને આ દંડ શ્રીસંઘે ફરમાવ્યો છે. એ સાંભળી શ્રીભદ્રબાહુવામીએ કહ્યું કે હું એક શરતે વાચના આપવા તૈયાર છું. એ શરત એ છે કે હું વાચન લેનાર સાથે બોલીશ નહિ કે વાચના લેનારે મારી સાથે બોલવું નહિ તેમ જ હું ભિક્ષાચર્યાથી આવતાં એક વાચના, કાલવેળાએ ત્રણ અને સાંજનું પ્રતિક્રમણ કર્યા બાદ ત્રણ એમ રોજ સાત વાચનાઓ કટકે કટકે આપીશ.
શ્રીસંઘે આ શરત મંજુર કરી અને અભ્યાસ કરી શકે એવા ૫૦૦ સાધુઓને તેમ જ એ દરેકનું વૈયાવૃત્ય કરવા માટે બબ્બે સાધુઓને એમ એકંદર ૧૫૦૦ સાધુઓને નેપાળમાં શ્રીભદ્રબાહુસ્વામી પાસે મોકલ્યા. વખત જતાં ૫૦૦ અભ્યાસીઓમાંથી ૪૯૮ કંટાળીને પાછા ફર્યા અને કેવળ એક જ મુનિવર નામે શ્રીસ્થૂલભદ્ર ત્યાં રહ્યા. એઓ શ્રીસંભૂતિવિજ્યના શિષ્ય થતા હતા.
શ્રીસ્થૂલભદ્ર આઠ વર્ષમાં આઠ પુષ્ય શીખી શક્યા. એવામાં એક વેળા પહેલી વાર શ્રીભદ્રબાહુવામીએ તેમની સાથે વાર્તાલાપ કર્યો. એમણે તેમને પૂછ્યું કે તેને ભિક્ષા અને સ્વાધ્યાયમાં કંઈ તકલીફ તો પડી નથી ને?
શ્રીસ્થૂલભદ્ર ભગવન્! નહિ; મને કોઈ તકલીફ પડી નથી, પણ હું આપને એક પ્રશ્ન પૂછવા માગું છું કે મારો કેટલો અભ્યાસ થયો અને હવે કેટલો બાકી છે?
શ્રીભદ્રબાહુ –હજી તો મહાસાગરમાં બિન્દુ જેટલો તારો અભ્યાસ થયો છે. એ સાંભળીને શ્રીસ્થૂલભદ્રનો ઉત્સાહ જરા પણ મંદ થયો નહિ. તેઓ બોલ્યા કે હું અભ્યાસથી કંટાળ્યો નથી પણ મને એ વિચાર આવે છે કે મારી અ૫ જિંદગીમાં હું બાકીનો અભ્યાસ કેવી રીતે પૂરો કરી શકીશ?
શ્રીભદ્રબાહુવામીએ જવાબ આપ્યો કે મારું ધ્યાન હવે પૂર્ણ થવા આવ્યું છે એટલે હવેથી હું તને રાત ને દિવસે વાચના આપતો રહીશ જેથી તું જલદી બારમું અંગ પૂરું કરી શકીશ.
Jain Education International
For Private & Personal Use Only
www.jainelibrary.org
| SR No. | 004887 |
| Book Title | Arhat Jivan Jyoti |
| Original Sutra Author | N/A |
| Author | Hiralal R Kapadia |
| Publisher | Bhagwanlal Pannalal |
| Publication Year | 1942 |
| Total Pages | 98 |
| Language | Gujarati |
| Classification | Book_Gujarati |
| File Size | 4 MB |