________________
तरंगलोला
। २५३
तत्तो पिएण समं माणेतीए मणोरमे भोए । छस्सु वि घरिणि पिओ सो कमेण पुत्तो ममं जाओ ॥ (३४३) तस्स य कयाणि कमसो कुल-कमागय-सुजाय कम्माणि । नामं च से विदिण्णं ताएणं उसहसेणो त्ति ॥ (३४४) वड्ढइ य सुहेणेसो कामि-जणुम्माहिए य पत्ते हैं । भणिया वसंत-समए पिएण गंतुं पिए बाहिं ॥ (३४५) पुप्फकरंडुज्जाणे कीडामो तो गया य जाणेणं । तत्थ कीलित्तु बहुविहह्मणेय नायर-जणाइण्णे ।। (३४६) हिंडामो दुमलच्छि पेच्छंता जाव ता समणमेय । हेट्ठा सुहोवविट्ठ पस्सामो असोय-रुक्खस्स ॥ (३४७) तं च विणएण वंदिय पुच्छामो धम्ममह कहइ सो वि । संसारासारत्तं दरिसंतो सिव-सुहमयं ति ॥ (३४८) तं चाणमंसिय पिओ भणइ भयवं तुमं चिय कयत्थो । जेणेरिसा तविड्ढी पत्ता किं तुह कह सुकयं ।। (३४९) भणइ रिसी सुण निवसइ चंपाओ अवर जणबयासण्णे । अडविय-संसिय-देसे संवाहो वाह-पुरिसाण ।। (३५०) तत्थ य अचुक्क-लक्खो दढप्पहारी य सीहओ नाम । वाहो तस्सासि पिया अडविसिरी नाम तेसिमहं ॥ (३५१) पुत्तो अणंतर-जम्मे अमोहकंडो त्ति नाम भज्जा य । वणराई नामं मे पारद्धि-सुरामिस-रया य ॥ (३५२) होउं च वयत्थो हं हत्थि पाडेमि एक-बाणेणं । ता में भाणीय पिया सुण कुल-धम्मो इमो अम्हं ।। (३५३) कामेंती गब्भवई पसवंती पसविया स-चिल्हणया । तिरिय-जाइ सरो मा नभोट्ठियथा कूयलिया य(?) ।। (३५४) एसो य कुलायारो न भोवि(? भंजि)यव्यो उ पुव्व-पुरिस-कओ। जं होज्ज कुलावचयो जो कुल-धम्मं विणासेज्जा ॥ (३५५) ता विरह-कायरा बल-पसूइ(?) तिरिएहि सुठु रक्खेतो । पुत्त करेज्जसु लोद्धिं इय साहेज्जसु य स-सुयाणं ।। (३५६) पडि[128 B]वज्जिउं च एयं पारद्धि-कएण रोह-परिणामो। विहरामि अहं सपयं सावय-कुल-संकुलं रणं ।। (३५७)
Jain Education International
For Private & Personal Use Only
www.jainelibrary.org
