________________
- तरंगलोला “पडिओ य वेदणाउर-पमुक्क-पक्खो खणेण सलिल तले । संझा-कुंकुम-तंबो व इयारो(?) पच्छिम-समुद्दे ॥१४०६ पडियं च ण उवगया चक्काई विक्कवं अणुहरंती । सोकावरिय-दुहट्टा . सरेण उस्सारियप्पाण ॥१४०७ हा धिगु जुयलयमिणमो हयं ति चिंतापरो अहं जाओ । चेट्टि त्ति अग्ग-हत्थे संपिच्छं तत्थ विधुणतो ॥१४०८ तम्मि य हथिम्मि गए मए वि सोत्थ पुलिणम्मि काऊण । आगय किवेण तुरियं अणुकंपा-झामिओ सउणा ॥१४०९
तम्मि य अग्गिम्मि पुणो चक्काई सहयराणुरागेण । भमिऊण सन्निवइया तत्थ य दहा मुहुत्तेण ।।१४१० दठूण तं गइ-गयं दुक्खं पीवरतरं महं जायं । भहक सउण-मिहुणकं किह वाव विणासियमिणं ति ।।१४११ चिंतेमि उ पुरिस-परिरक्खिओ एस अम्ह कुल-धम्मो । समओ कुलन्जस-वसो हा दुठु मए कहं भग्गो ॥१४१२ पुरिसो पच्च(?)उच्छाहो खलिय-विलिओ दुगुंछंति । अप्पाण चेव नियय-कुल-धम्मे वलिवि भोयगस्स ॥१४१३ ___x x x किं मज्झ जीविएण तो । एवं कयंत-चोइय-मइस्स जाया महं बुद्धी ॥१४१४ तो बहुतरए अरणी आणीया चक्कवाय-चिययाए । अहमवि अग्गि पडिओ तत्थ य दड्ढो मुहुत्तेण ॥१४१५ कुल-धम्म-वयाएसस्स रक्खगा सव्व-संवउज्जयया । पच्छाणुताव-गरहण-निंद-दुगुंछा-पवण्णो हं ॥१४१६ संतेगप्पणिहाणो विसुद्ध-परिणाम-धम्म सद्धाए । वप्पेण(?) सरीरस्स एएण न हं गओ नरयं ।।१४१७
तत्थ मओ हं गंगा णईण गंतूण उत्तरे कूले । इब्भ-कुले आयाओ विणड (?)-धण्ण-सयणम्मि ॥१४१८ निप्फण्ण-सव्व-गुणसार-विस्सुओ उस्सवो कुले जत्थ । कासी नाम जणवओ कासग-जण-संकुलो रम्मो ॥१४१९ जत्थ य मणोभिरामे पउम-सराराम-कित्तण समूहै । होंति निरिक्खण-वक्खेव-मसिण-गमणा पहिय-जूहा ॥१४२०
Jain Education International
For Private & Personal Use Only
www.jainelibrary.org