________________
२१८
तरंगोला
जाया चोर-बहूओ विसाल-धवलेहिं अच्छीहिं । अच्छीहिं एक-पाणं चच्चंतु(?) इमस्स रूवम्मि ॥९५८ वासुरयसहिवाले(?) काम-विगारे बहू करतीओ। विक्खेव-विलास-मयं समइच्छंतं कडक्खंति ॥९५९ ताओ सहासाओ ताहे तह पेच्छिऊण स-वियारा । सोगीसा-सम्मीसो रोसग्गी मे समुज्जलइ ॥९६० तं तह पवेसिय-मत्तं समं मए पासिउण संजमियं । रोयंतीओ पुत्तं व काइ सोयंति बंदीओ ॥९६१ अहं तं मण-चोरो देवो व अणेतसाण(?) सुंदेरो । नयणामयमिव मुच्चसु बेंति पियं मे करमरीओ ॥९६२ काओ वि धाह-मिस्सं रुयमाणीओ भणंति बंदीओ । स-कलत्तओ वि पुत्तय एत्तो मुंचंतओ होहि ॥९६३ रूव-गुण-विम्हय-समुठिएण कामेण काइ आउलिया । आगारेइ व रमणं संघट्टिय-कंचि-सहेण ॥९६४
तत्थ य दळूण ममं उक्कुट्ठीओ करंति नडउत्ता । हा रूव-सरस-लावण्ण-जुत्ता महिलिय त्ति ॥९६५ केई य एक्कमेकस्स तत्थ दावेंति मं पसंसंता । वच्छा सोही पेच्छह महिलच्छरमिणं ति ॥९६६ थण-जुयल-कुसुम-गोच्छं पिय-महुयर-तुरिय-चूय(?)-परिभुत्तं। महिलासोग-लयमिणं कर-पल्लवियं पलोएह ।।९६७ थण-जुयल-चक्कवायं मेहल-हंसावलि नयण-सफरि । वित्थिण्ण-कडी-पुलिणं जुवइ-नदिमिणं पलोएह ॥९६८ अईव-रुण्णायंबं सोहइ से पयइ-सुंदरं वयणं । संझा-रंजिय-तंबो व्व कोमुदी-पुण्णिमा-यंदो ॥९६९ सव्वावत्थंतर-सुंदरेण रूवेण सस्सिरीएण । सयवत्त-रित्त-हत्थं सिरिं भगवई विलंबोति ॥९७० [मसिणा?] कसणा विमला वट्टा पीणा समाहिया य स्से । केसा नयणा दसणा थणा य उरू य पाया य ॥९७१ केई भणति चोरा होज्ज कयत्था हु मो अमर-नारी । मंडण-गहियारंभा. पुण . एरिसी होज्जा ॥९७२ खंभस्स देज्ज फरिसं(?) खालेज्ज मणं इमा रिसीणं पि। इंदो अच्छि-सहासेण पेच्छमाणो न तिप्पेज्जा ॥९७३
Jain Education International
For Private & Personal Use Only
www.jainelibrary.org
