________________
११०
तरंगलोला
जोव्वण सम्म-ग्गहणं पाणि-ग्गहणं कयं तेण ॥८९४ अवियण्हुम्माहिय व्व चिरस्स दिठेक्कमेक-परितुहा । पत्ता रइ-कल्लाणं घरिणी माणुस्सय-सुहाणं ॥ ८९५ भागीरहीए मज्झे कमेण नावाए तीए वुभंता। चक्कायय ब्व रमिमो माणुस-चक्कायका अम्हे ।।८९६ तो चंद-रइय-तिलका जोण्हा-परिसण्ह-पंडुर-दुकूला । तारोवयारहारा रत्ती-जुवती
अइक्कंता ॥८९७ गयण-सररस मियको (?) चउजाम-तरंग-नोल्लिय-सरीरो । पुव्वोसरिओ अवरं तरणं । काउं व ससि-हंसो ॥८९८ पडिवुद्ध-हंस-सारस कारंडव-चक्कवाय रइएहिं
। xx गायजंपिया (?) विव पहाय-मुहरेहिं कुररेहिं ॥८९९ तो दिवस कम्म-सक्खी सूरो उट्टेइ तिमिर-पडिसूरो । गयणंगणग्गि-जालो आलोगो जीवलोगस्स ॥९०० पुन्न-मणेरह-तुट्ठा
रहंग-नोमय-विहंग-सद्देण । अम्हे वि गया दूरं भागीरहि-पाणिय-रएण ॥९०१ तो भणइ पिययमो में वेला मुह-धोयणम्मि पिहु-सोणि । न हु किर जुत्तो उदए रविणो काउं रइ-पसंगो ॥९०२ जमिणं दक्षिण-कूले पुलिणं संख-दल-निम्मलं बाले । वच्चामो तत्थ सइरं चोए (?) रमामो सुहं सुयणु ॥९०३
तो सो तत्तोहुत्तो अवलोयण-जंत-जोइय-गुणेणं । नावं नीविइमाणं (?) गमण-सुदक्खं पिओ नेइ ॥९०४ रइ-वायाम-किलंताई उत्तिण्णाई दुवे वि णावाय । गंगाए धवल वालुय-अपरिक्खिय-सीयले पुलिणे ॥९०५ तत्थेक्कमेक-दंसिय-रमणिज्ज-देस-पेच्छण-पसत्था । अमुणिय-भय-वीसत्था सहसा चोरेहिं उ दिट्ठा ॥९०६ गंगा-गहण-तडुद्धाइएहिं
आविद्ध-चिंध-पट्टेहिं । जम-पुरिस-रोस-फरुसिय-सामेहिं परिवारिया अम्हे ॥९०७ अवयासेऊण पियं भणामि भय-विरस-विस्सर-परुण्णा । इय जाए दुज्जाए भण कंत कहं नु कायव्वं ॥९०८
Jain Education International
For Private & Personal Use Only
www.jainelibrary.org
