Samkhitta Taramgavai Kaha

SR No.: 004633
Original Sutra Author: N/A
Author: H C Bhayani
Publisher: L D Indology Ahmedabad
Publication Year: 1979
Total Pages: 324
Language: Gujarati, Sanskrit
Classification: Book_Gujarati & Literature
File Size: 13 MB

Page 101

तरंगलोरा
मुक्ख-बडुएण सहियं उच्छंग-गएण चित्त-फलएण । चत्त-धणुं पिव कामं निकाम-सुंदेर-लावण्णं ॥ ६९१ नयणोदएण निवडतएण बिंबं सु-चित्त-फलयम्मि । दुस्सिक्खिउ व्व लिहिउं लिहिउं फुसियं करेमाणं ॥ ६९२ अच्छइ तुज्झ समागम-मणोरहापूरिएण हियएण । अप्पाणं सोयंतो सरीर-सयडं(१) विगय-हासो ॥ ६९३ तो विणय नमिय-गत्ता मत्थय-मेलाविएहिं हत्थेहिं । बेमि पुरओ उवगया चिरं जियउ अज्जउत्तो त्ति ॥ ६९४ तो तुवर-रत्त-साडय-नियंसणो कुडिल-दंड कट्ठो में । बंभण-चम्मोनद्धो खरक्खरो तुच्छ-कुच्छीओ ।। उब्भड वयणो थद्धो अति-मुक्खो मक्कडो विव अणाडो । मुक्ख-विगार परझो . विगरहिओ गो-करीसो व ॥ ६९६ सो उ समतिच्छिएहिं य दोद्धिय-मिजोवमेहिं दंतेहिं । पागड-कुंडिय-कण्णो टप्पर-कण्णो x x x तहिं ।। ६९७ बडुओ भणेइ किण्णो तं भोदी सुंदर-बडुयस्स मज्झ । अभिवादं न करसि अह पढमं एयस्स सुद्दस्स ॥ ६९८ तं चिय दक्षिण-हत्थावणयं दक्खिण्ण-विकरणा अहियं । अहिवाए ते अज्जो त्ति बेमि निविटुं तयं बडुयं ॥ ६९९ तो सहसा उप्फिडिओ अही कहिं ति बडुओ करेमाणो । अम्हं तुच्छ लग्गाही (?) अब्बंभण्णं करेमाणो ॥ ७०० वेसत्तणेण दटुं अहिं अहिय कारणं न इच्छामि । भण भोदि किं अही-मंति भणइ सो मं पुणो बडुओ ॥ ७०१ तो तं बेमि पुणो हं अही इहं नत्थि होहि वीसत्थो । तो भणइ किं खु अहियं अहिवाते ते त्ति मं भणसि ॥ ७०२ अहयं कासव-पुत्तो हारिय-गोत्तो दुजाइ-वर-वंसो । गुल-दहि-कूर-पसंगो छंदोगो माहणो मि अहं ॥ ७०३ किं ते न सुय-पुव्वा तो मं परिभय भोदि तोसेसि । सो एव कुणइ बालो हलबालं तो ममं तत्थ ॥ ७०४ तो सत्थवाह-पुत्तेण तत्थ भणिओ अहो सि चवलो त्ति । मा अलिय इमं ता चिरस्स इह आगतं बाह ॥ ७०५ अवसर अकाल-भासणय बंभबंधू अहो सि निल्लज्जो । अविणीय बब्बरय इयुच्छवोघयं महं (?) ॥ ७०६ तो सत्थवाह-पोण बंभणो भणिओ कड्य-वयणेहिं । मुह-मक्कडिया देतो तोसंतो मं गओ तत्तो ।। ७०७ तसि य निग्गय-मेत्ते तुट्ठा परिपुण्ण-लोभिरी(?) अहयं । । देवा हु मे पसण्णा जं एस इओ गओ बडुवो ॥ ७०८