________________
૪૫ શબ્દ અધ્યાતમ અર્થ સુણીને, નિર્વિકલ્પ આદરજો રે, શબ્દ અધ્યાતમ ભજના જાણી, હાન-ગ્રહણ મતિ ધરજો રે. શ્રેયાંસ. ૫
અર્થ : શાસ્ત્રવચનોનો અર્થ સુણીને કોઈપણ પ્રકારના વિકલ્પ - પૂર્વગ્રહ વિના શાસ્ત્રવચનોના તમામ વિકલ્પો (ભજનો) જાણી કયું છોડવું અને કયું લેવું (હાન-ગ્રહણ) તેનો વિવેક રાખજો.
નોંધઃ જાપ, મૂર્તિ-પૂજા વગેરે દ્રવ્ય-અધ્યાત્મને છોડવાની વાત આગળની ગાથામાં કરી, પરંતુ “શબ્દ-અધ્યાત્મ' એટલે શાસ્ત્ર વચનનું શું? અમુક શબ્દો શાસનના છે તેથી વિચાર કર્યા વિના તેના શબ્દાર્થને સ્વીકારી લેવો તે યોગ્ય નથી કારણ કે શાસ્ત્રવચનોના પણ અનેક અર્થ થાય છે. તેથી તે વચનોનો એકાંત અર્થ ગ્રહણ કરવો યોગ્ય નથી. આ અગાઉની ગાથામાં સ્યાદ્વાદ એટલે અનેકાંતવાદનો સિદ્ધાંત સમજાવ્યા બાદ અવધૂશ્રી શાસ્ત્રવચનોનો અર્થ સમજવા માટે પણ તે અનેકાંતવાદના સિદ્ધાંતોની શીખ આપે છે.
અધ્યાતમી જે વસ્તુ વિચારી, બીજા જાણ લબાસી રે, વસ્તુ-ગતે જે વસ્તુ પ્રકાશે, આનંદધન મતવાસી રે. શ્રેયાંસ. ૬
અર્થઃ ઉપર જણાવ્યા મુજબ જે વ્યક્તિ અનેક અપેક્ષાએ વિચાર કરીને વસ્તુને ગ્રહણ કરે છે તે ખરો અધ્યાત્મી છે. બીજા તો ફક્ત વેશધારી (લબાસી) છે તેમ સમજો કેમ કે જે વ્યક્તિ વસ્તુને યથાર્થ સ્વરૂપે જોઈ શકે છે તે જ આનંદધનને પ્રાપ્ત કરે છે.
આનંદધન-સ્તવનો જ સ્તવન-૧૧
Jain Education International 2010_04
For Private & Personal Use Only
www.jainelibrary.org