________________ 702 ) [ काव्यषट्कं इत्थं प्रतोपोक्तिमति सखीनां / विलुप्य पाण्डित्यबलेन बाला। अपि श्रुतस्वर्पतिमन्त्रिसूक्ति दूतीं बभाषेऽद्भुतलोलमौलिम् // 108 / / परेतभर्तुर्मनसेव दूती नभस्वतेवानिलसख्यभाजः / त्रिस्रोतसेवाम्बुपतेस्तदाशु स्थिरास्थमायातवती निरास्थम् // 109 / / भूयोऽर्थमेनं यदि मां त्वमात्थ तदा पदावालभसे मघोनः / सतीव्रतैस्तीवमिमं तु मन्तु मन्तर्वरं वज्रिणि माजितास्मि // 110 // इत्थं पुनर्वागवकाशनाशा न्महेन्द्रदूत्यामपयातवत्याम् / विवेश लोलं हृदयं नलस्य जीवः पुनः क्षीबमिव प्रबोधः // 111 / / श्रवणपुटयुगेन स्वेन साधूपनितं दिगधिपकृपयाप्तादीदृशः संविधानात् / अलभत मधु बालारागवागुत्थ मित्थं निषधजनपदेन्द्रः पातुमानन्दसान्द्रम् / / 112 / / श्रीहर्ष कविराजराजिमुकुटालंकारहीरः सुतं श्रीहीरः सुषुवे जितेन्द्रियचयं मामल्लदेवी च यम् / षष्ठः खण्डनखण्डतोऽपि सहजात्क्षोदक्षमे तन्महाकाव्येऽयं व्यगलन्नलस्य चरिते सर्गो निसर्गोज्ज्वलः / / 113 / / ॥इति महाकवि हर्षविरचिते नैषधीयप्रकाशे षष्ठः सर्गः समाप्तः / / प्रलभता 25
