________________ 38 ] रघुवंशे षष्ठः सर्गः / तां प्रत्यभिव्यक्तमनोरथानां महीपतीनां प्रणयाग्रदूत्यः / प्रवालशोभा इव पादपानां शृङ्गारचेष्टा विविधा बभूवुः / 12 / कश्चित्कराभ्यामुपगूढनालमालोलपत्राभिहतद्विरेफम् / रजोभिरन्तःपरिवेषबन्धि लीलारविन्दं भ्रमयांचकार / / 13 / / 5 विस्रस्तमंसादपरो विलासी रत्नानुविद्धाङ्गदकोटिलग्नम् / . प्रालम्बमुत्कृष्य यथावकाशं निनाय साचीकृतचारुवक्त्रः / 14 / आकुञ्चिताग्रागुलिना ततोऽन्यः किंचित्समावजितनेत्रशोभः / तिर्यग्विसंसर्पिनखप्रभेण, , . ___पादेन हैमं विलिलेख पीठम् / / 15 // निवेश्य वामं भुजमासनार्धे तत्संनिवेशादधिकोन्नतांसः / कश्चिद्विवृत्तत्रिकभिन्नहारः सुहृत्समाभाषणतत्परोऽभूत् / 16 / विलासिनीविभ्रमदन्तपत्रमापाण्डुरं केतकबहमन्यः / प्रियानितम्बोचितसंनिवेशैविपाटयामास युवा नखात्रैः / / 17 / / 15 कुशेशयाताम्रतलेन कश्चित्करेण रेखाध्वजलाञ्छनेन / रत्नाङ्गुलीयप्रभयानुविद्धानुदीरयामास सलीलमक्षान् / / 18 / / कश्चिद्यथाभागमवस्थितेऽपि स्वसंनिवेशाय तिलङ्गिनीव / वज्रांशुगर्भाङ्गुलिरन्ध्रमेकं व्यापारयामास करं किरीटे / 19 / ततो नृपाणां श्रुतवृत्तवंशा पुंवत्प्रगल्भा प्रतिहाररक्षी / प्राक्संनिकर्ष मगधेश्वरस्य नीत्वा कुमारीमवदत्सुनन्दा / / 20 / / असौ शरण्यः शरणोन्मुखानामगाधसत्त्वो मगधप्रतिष्ठः / राजा प्रजारजनलब्धवर्णः परंतपो नाम यथार्थनामा // 21 // कामं नृपाः सन्तु सहस्रशोऽन्ये राजन्वतीमाहुरनेन भूमिम् / नक्षत्रताराग्रहसंकुलापि ज्योतिष्मती चन्द्रमसैव रात्रिः / / 22 / / 25 क्रियाप्रबन्धादयमध्वराणामजस्रमाहूतसहस्रनेत्रः। शच्याश्चिरं पाण्डुकपोललम्बान्मन्दारशून्यानलकांश्चकार 23
