________________ 36 ] रघुवंशे पञ्चमः सर्गः / आयोधनाग्रसरतां त्वयि वीर याते, . . किं वा रिपूस्तव गुरुः स्वयमुच्छिनत्ति // 71 / / शय्यां जहत्युभयपक्षविनीतनिद्राः, स्तम्बेरमा मुखरशङ्खलकर्षिणस्ते / येषां विभान्ति तरुणारुणरागयोगा द्भिन्नाद्रिगरिकतटा इव दन्तकोशाः // 72 / / दीर्घष्वमी नियमिताः पटमण्डपेषु, ' निद्रां विहाय वनजाक्ष वनायुदेश्याः। वक्त्रोष्मणा मलिनयन्ति, * पुरोगतानि, लेह्यानि सैन्धवशिलाशकलानि वाहाः / / 73 / / भवति विरलभक्तिानपुष्पोपहारः, स्वकिरणपरिवेषोद्भदशून्याः प्रदीपाः / अयमपि च गिरं नस्त्वत्प्रबोधप्रयुक्तामनुवदति शुकस्ते मजुवाक्पञ्जरस्थः ।७४।(मालिनी) इति विरचितवाग्भिर्बन्दिपुत्रैः कुमारः, . सपदि विगतनिद्रस्तल्पमुज्झांचकार / मदपटुनिनद्भिर्बोधितो राजहंसः, सुरगज इव गाङ्ग सैकतं सुप्रतीकः / / 75 // अथ विधिमवसाय्य शास्त्रदृष्टं, दिवसमुखोचितमञ्चिताक्षिपक्ष्मा / कुशलविरचितानुकूलवेषः, क्षितिपसमाजमगात्स्वयंवरस्थम् // 76 / / (पुष्पिताग्रा) // इति महाकविश्रीकालिदासकृतौ रघुवंशे महाकाव्ये अजस्वयंवराभिगमनो नाम पञ्चमः सर्गः / / 5 / / xx
