________________ 322 ] [ काव्यषट्कं न दलति निचये तथोत्पलानां न च विषमच्छदगुच्छयूथिकासु / - अभिरतिमुपलेभिरे यथासां हरितनयावयवेषु लोचनानि // 36 / / मुनिमभिमुखतां निनीषवो याः समुपययुः कमनीयतागुणेन / मदनमुपदधे स एव तासां दुरधिगमा हि गतिः प्रयोजनानाम् / / 40 / / प्रकृतमनुससार नाभिनेयं प्रविकसदगुल पाणिपल्लवं वा / प्रथममुपहितं विलासि चक्षुः सिततुरगे न चचाल नर्तकीनाम् / / 41 / / अभिनयमनसः सुराङ्गनाया निहितमलक्तकवर्तनाभिताम्रम् / चरणमभिपपात षट्पदाली धृतनवलोहितपङ्कजाभिशङ्का 42 अविरलमलसेषु नर्तकीनां ___ द्रुतपरिषिक्तमलक्तकं पदेषु / सवपुषमिव चित्तरागमूहु नमितशिखानि कदम्बकेसराणि // 43 / / नपसुतमभितः समन्मथायाः __ परिजनगात्रतिरोहिताङ्गयष्टेः / स्फुटमभिलषितं बभूव वध्वा ___ वदति हि संवृतिरेव कामितानि // 44 / / अभिमुनि सहसा हृते परस्या घनमरुता जघनांशुकैकदेशे / चकितमवसनोरु सत्रपायाः प्रतियुवतीरपि विस्मयं निनाय // 45 / /
