________________ (2) कुमारसभवं :: षष्ठः सर्गः ] [ 175 त्वत्संभावितमात्मानं बहु मन्यामहे वयम् / प्रायः प्रत्ययमाधत्ते स्वगुणेषूत्तमादरः // 20 / / या न: प्रीतिविरूपाक्ष त्वदनुध्यानसंभवा / सा किमावेद्यते तुभ्यमन्तरात्मासि देहिनाम् // 21 // 5 साक्षादृष्टोऽसि न पुनर्विद्मस्त्वां वयमञ्जसा / प्रसीद कथयात्मानं न घियां पथि वर्तसे // 22 / / किं येन सृजसि व्यक्तमुत येन बिर्षि तत् / अथ विश्वस्य संहर्ता भाग: कतम एष ते // 23 // अथवा सुमहत्येषा प्रार्थना देव तिष्ठतु / चिन्तितोपस्थितांस्तावच्छाधि नः करवाम किम् // 24 // अथ मौलिगतस्येन्दोविशदैर्दशनांशुभिः / उपचिन्वन्प्रभां तन्वी प्रत्याह परमेश्वरः // 25 / / विदितं वो यथा स्वार्था न मे काश्चित्प्रवृत्तयः / ननु मूर्तिभिरष्टाभिरित्थंभूतोऽस्मि सूचितः / / 26 / / 15 सोऽहं तृष्णातुरैर्वृष्टि विद्युत्वानिव चातकः / अरिविप्रकृतैर्देवैः प्रसूत्ति प्रति याचितः / / 27 / / अत आहर्तुमिच्छामि पार्वतीमात्मजन्मने / उत्पत्तये हविर्भोक्तुर्यजमान इवारणिम् / / 28 / / तामस्मदर्थे युष्माभिर्याचितव्यो हिमालयः / विक्रियायै न कल्पन्ते संबन्धाः सदनुष्ठिताः / / 29 // उन्नतेन स्थितिमता धुरमुद्वहता भूवः / तेन योजितसंबन्धं वित्त मामप्यवञ्चितम् // 30 // एवं वाच्यः स . कन्यार्थमिति वो नोपदिश्यते / भवत्प्रणीतमाचारमामनन्ति हि साधवः // 31 // . 25 आर्याप्यरुन्धती तत्र व्यापारं कर्तुमर्हति / प्रायेणैवंविधे कार्ये पुरंध्रीणां प्रगल्भता // 32 / /
