________________ रघुवंशे सप्तदशः सर्गः ] [ 127 न धर्ममर्थकामाभ्यां बबाधे न च तेन तौ। नार्थ कामेन कामं वा सोऽर्थेन सदृशस्त्रिषु // 57 / / हीनान्यनुपकर्तृणि प्रवृद्धानि विकुर्वते / तेन मध्यमशक्तीनि मित्राणि स्थापितान्यतः // 58 / / 5 परात्मनोः परिच्छिद्य शक्त्यादीनां बलाबलम् / ययावेभिर्बलिष्ठश्चेत्परस्मादास्त सोऽन्यथा / / 56 / / कोशेनाश्रयणीयत्वमिति तस्यार्थसंग्रहः / अम्बुगों हि जीमूतश्चातकैरभिनन्द्यते // 60 / / परकर्मापहः सोऽभूदुद्यतः स्वेषु कर्मसु / प्रावृणोदात्मनो रन्ध्र रन्ध्रेषु प्रहरन्रिपून् // 61 / / पित्रा संवधितो नित्यं कृतास्त्रः सांपरायिकः / तस्य दण्डवतो दण्डः स्वदेहान्न व्यशिष्यत / 62 / / सर्पस्येव शिरोरत्नं नास्य शक्तित्रयं परः / स चकर्ष परस्मात्तदयस्कान्त इवायसम् / / 63 / / 15 वापीष्विव स्रवन्तीषु वनेषूपवनेष्विव / सार्थाः स्वैरं स्वकीयेषु चेरुर्वेश्मस्विवाद्रिषु / / 64 / / तपो रक्षन्स विघ्नेभ्यस्तस्करेभ्यश्च संपदः / यथास्वमाश्रमैश्चक्रे वर्णैरपि षडंशभाक् / / 65 / / खनिभिः सुषुवे रन्नं क्षेत्रैः सस्यं वनैर्गजान् / दिदेश वेतनं तस्मै रक्षासदृशमेव भूः // 66 / / स गुणानां बलानां च षण्णां षण्मुखविक्रमः / बभूव विनियोगज्ञः साधनीयेषु वस्तुषु // 67 / / इति क्रमात्प्रयुञ्जानो राजनीति चतुर्विधाम् / आतीर्थादप्रतीघातं स तस्याः फलमानशे // 68 / / 25 कूटयुद्धविधिज्ञेऽपि तस्मिन्सन्मार्गयोधिनि / भेजेऽभिसारिकावृत्ति जयश्रीर्वीरगामिनी // 66 / /
