________________ रघुवंशे षोडशः सर्गः ] [ 117 उद्यच्छमाना गमनाय पश्चात्पुरे निवेशे पथि च व्रजन्ती / सा यत्र सेना ददृशे नृपस्य तत्रैव सामग्र्यमति चकार / / 29 / / तस्य द्विपानां मदवारिसेकात्खुराभिघाताच्च तुरंगमाणाम् / रेणुः प्रपेदे पथि पङ्कभावं पङ्कोऽपि रेणुत्वमियाय नेतुः / / 30 / / 5 मार्गेषिणी सा कटकान्तरेषु वैन्ध्येषु सेना बहुधा विभिन्ना / चकार रेवेव महाविरावा बद्धप्रतिश्रुन्ति गुहामुखानि // 31 // स धातुभेदारुणयाननेमिः प्रभुः प्रयाणध्वनिमिश्रतूर्यः / व्यलङ्घयद्विन्ध्यमुपायनानि पश्यन्पुलिन्दैरुपपादितानि / / 32 / / तीर्थे तदीये गजसेतुबन्धात्प्रतीपगामुत्तरतोऽस्य गङ्गाम् / 10 प्रयत्नवालव्यजनीबभूवुर्व्हसा नभोलवनलोलपक्षाः // 33 / / स पूर्वजानां कपिलेन रोषाद्भस्मावशेषीकृतविग्रहाणाम् / सुराऽलयप्राप्तिनिमित्तमम्भस्त्रैस्रोतसं नौलुलितं ववन्दे // 34 // इत्यध्वनः कश्चिदहोभिरन्ते कूलं समासाद्य कुशः सरय्वाः / वेदिप्रतिष्ठान्वितताध्वराणां यूपानपश्यच्छशतो रघूणाम् / 35 / 15 प्राधूय शाखाः कुसुमद्रुमाणां स्पृष्ट्वा च शीतान्सरयूतरङ्गान् / तं क्लान्तसैन्यं कुलराजधान्याः प्रत्युज्जगामोपवनान्तवायुः / / 36 / / अथोपशल्ये रिपुमग्नशल्य- . स्तस्याः पुरः पोरसखः स राजा। कुलध्वजस्तांनि चलध्वजानि निवेशयामास बली बलानि / / 37 / / तां शिल्पिसंघाः प्रभुणा नियुक्ता स्तथागतां संभृतसाधनत्वात् / 25 पुरं नवीचक्रुरपां विसर्गा न्मेघा निदाघग्लपितामिवोर्वीम् // 38 / /
