________________ [ काव्यषट्के (1) रघुवंशम् 1 अत्रावियुक्तानि रथाङ्गनाम्नामन्योन्यदत्तोत्पलकेसराणि / द्वन्द्वानि दूरान्तरवर्तिना ते मया प्रिये सस्पृहमीक्षितानि / 31 / इमां तटाशोकलतां च तन्वीं स्तनाभिरामस्तबकाभिनम्राम् / / त्वत्प्राप्तिबुद्ध्या परिरब्धुकामः ___सौमित्रिणा साश्रुरहं निषिद्धः / / 32 / / . अमूविमानान्तरलम्बिनीनां श्रुत्बा स्वनं काञ्चनकिङ्किणीनाम् / प्रत्युद्वजन्तीव खमुत्पतन्त्यो गोदावरीसारसपङ्क्तयस्त्वाम् / / 33 / / एषा त्वया पेशलमध्ययापि घटाम्बुसंवर्धितबालचूता। आनन्दयत्युन्मुखकृष्णसारा दृष्टा चिरात्पञ्चवटी मनो मे।३४। अत्रानुगोदं मृगयानिवृत्तस्तरंगवातेन विनीतखेदः / रहस्त्वदुत्सङ्गनिषण्णमूर्धा स्मरामि वानीरगृहेषु सुप्तः / / 3 / / भ्रूभेदमात्रेण पदान्मघोनः प्रभ्रंशयां यो नहुषं चकार / तस्याविलाम्भः परिशुद्धिहेतोभौंमो मुनेः स्थानपरिग्रहोऽयम् 36 त्रेताग्निधूमाग्रमनिन्द्यकीर्तस्तस्येदमाक्रान्तविमानमार्गम् / घ्रात्वा हविर्गन्धि रजोविमुक्तः समश्नुते मे लघिमानमात्मा 37 एतन्मुनेर्मानिनि शातकर्णेः पञ्चाप्सरो नाम विहारवारि / आभाति पर्यन्तवनं विदूरान्मेघान्तरालक्ष्यमिवेन्दुबिम्बम् / 38 / पुरा स दर्भाङ्कुरमात्रवृत्तिश्चरन्मृगैः सार्धमृषिर्मघोना। समाधिभीतेन किलोपनीतः पञ्चाप्सरोयौवनकूटबन्धम् / 36 / तस्यायमन्तहितसौधभाजः प्रसक्तसंगीतमृदङ्गधोषः। वियद्गतः पुष्पकचन्द्रशाला: क्षणं प्रतिश्रुन्मुख राः करोति / 40 / 25 हविर्भुजामेधवतां चतुर्णां मध्ये ललाटंतपसप्तसप्तिः / असौ तपस्यत्यपरस्तपस्वी नाम्ना सुतीक्ष्णश्चरितेन दान्तः 41
