________________ संखकवड्यगंडोलजलायचंदणगअलसिकिमिया य / मयहरकिमिपूयरगा बेंदियमाइवाहाई . // 790 // गोमीमंकुणतया पिप्पिलिउद्देहिया य मक्कोडा। इल्लियघिइमिल्लाओ सावय पिसुआ य लिक्खा य // 791 // गद्दहयचोरकीडा गोमयकीडा य धनकीडा य। कुंथुगुवालियइलिया तेइंदिय इंदगोवाई // 792 // चउरिंदिया य विच्छुय ढिंकुणभमरा य भमरिया तीडा। मच्छियदंसा मसगा कंसारिय कविलडोला य // 793 // पंचिंदिया य चउहा तिरिया मणुया य नारया देवा। तिरिया जलयरनहयलथलयरभेएहि हुंति तिहा // 794 // सव्वे जलथलखयरा समुच्छिमा गब्भया दुहा हुँति / नाणारूवेहिं जुआ समुच्छिमा अह मुणेयव्वा . // 795 // दुविहा मणुया जीवा समुच्छिमगब्भसंभवा नेया। कम्माकम्मगमहिया अंतरदीवा मुणेयव्वा // 796 // कह भयवं उववज्जे पणिदिमणुया समुच्छिमा जीवा? / गोयम ! मणुस्सखित्ते नायव्वा इत्थ ठाणेसु // 797 // उच्चारे पासवणे खेले सिंघाणवंतपित्तेसु। . सुके सोणिय गयजीव कलेवरे नगनिद्धमणे // 798 / / महुमज्जमंसमंखण थीसंगे (सव्व) असुइठाणेसु। ... उप्पज्जति चयंति य समुच्छिमा मणुयपंचिदी // 799 // पुढविदगअगणिमारुय इक्किक्के सत्त जोणिलक्खा उ। वणपत्तेय अणंते दस चउदस जोणिलक्खाओ // 800 // विगलिदिएसु दो दो चउरो चउरो य नारयसुरेसु / तिरिएसु हुंति चउरो चउदस लक्खा य मणुएसु // 801 //
