________________ कालतिगेणं गुणिआ तिलक्ख चउ सहस वीसमहिआ य / अरिहंतसिद्धसाहूदेवयगुरुअप्पसक्खीहिं // 16 // अट्ठारस लक्खाइं चउवीस सहस्स एगवीसहिआ। इरिआमिच्छादुक्कडपमाणमेअं सुए भणियं // 17 // जोयणपिहुलायामा दसन्नपव्वयसमीव कोडिसिला / जिणछक्कतित्थसिद्धा तत्थ अणेगा उ मुणिकोडी // 18 // पढमं संतिगणहरो चक्काउहणेगसाहुपरियरिओ। बत्तीसजुगेहिं तओ सिद्धा संखिज्जमुणिकोडी // 19 // संखिज्जा मुणिकोडी अडवीसजुगेहिं कुंथुनाहस्स। अरजिणचउवीसजुगा बारसकोडीओ सिद्धाओ // 20 // मल्लिस्स वि वीसजुगा छ कोडि मुणिसुव्वयस्स कोडितिगं / नमितित्थे इगकोडी सिद्धा तेणेव कोडिसिला // 21 // छत्ते सिरम्मि गीवा वच्छे उयरे कडीइ ऊरूसु। जाणू कहमवि जाणू नीया सा वासुदेवेहिं . // 22 // इक्कारअहिअपणसय सासयचेइअ नमामि महिवलए / तीसं वासहरेसु वेयड्डेसुं च सयरिसयं // 23 // वीसं गयदंतेसुं कुरुदुमंदसगे तहेव नउई अ। वक्खारगिरिसु असिई पणसीई मेरुपणगम्मि // 24 // इसुमणुकुंडलरुअगे चउ चउ वीसं च नंदिसरिदीवे / अडवीस नंदिकुंडलिरुअगे सयपन्नवासयरी // 25 // अट्ठाराहिय दुसई पनद्ध छत्तीस दीहपिहुउच्चा। माणसइसु-गयदंतय-वक्खार-वासहरमेरुसुं // 26 // पणसट्ठिअहिअ सयदुग संपुण्णं कोसमद्ध देसूणं / दीहे पिहु उच्चत्ते कुरुदुमवेअड्डचूलासु // 27 // . 163
