________________ दाणअट्ठाय जे पाणा हम्मति तसथावस / ते संसारस्स रक्खट्ठा भमंति भवसायरे // 132 // अद्दामलगपमाणे पुढवीकायम्मि हुँति जे जीवा। ते पारेवयमित्ता जंबूद्दीवे न मायंति - // 133 // एगम्मि उदगबिंदुम्मि जे जीवा जिणवरेहिं पण्णत्ता / ते जइ सरिसवमित्ता जंबूद्दीवे न मायंति // 134 // बरंटीतंदुलमित्ते तेऊकाए हवंति जे जीवा / ते जइ खसखसमित्ता जंबूद्दीवे न मायंति // 135 // लिंबपत्तसमा वाउ-काए हवंति जे जीवा / ते मत्थलिक्खमित्ता जंबूद्दीवे न मायंति // 136 // सूअग्गिणंतकाइय णंताणंता जिणेहि जिया भणिया। तम्हा अणंतपावं जं पीअ वारि उड्डकंठेण // 137 // मणुआण रोमकूवे चम्ममंसेसु अट्ठिमिजासु / तह सुक्कसोणिएसु जीवाऽणेगा असंखा य . // 138 // रोमखसकेसफोडिय लिक्खा तहेव चेव फुणगलिया। पंचिंदियाण देहे हवंति एगिदिया एए // 139 // हरसाइ कंठमाला वालय नासुर किम्मिसम्मिओ। एए बेइंदिय जीवा नरस्स देहम्मि पच्चक्खा // 140 // जूया य कीड सावा एए तेइंदिया जिया हुँति / चउरिदिय पंचिंदिय सुहमा वि अणंत नरदेहे // 141 // रुक्खा गुच्छा गुम्मा लया य वल्ली तणा य तह वलया। पव्वय हरिया ओसही जलरुह कुहणा य बोधव्वा // 142 // एगिदिय पंचिंदिय उड्डे अ अहे अ तिरियलोए अ। विगलिंदिय जीवा पुण तिरिअलोए मुणेअव्वां // 143 // 156
