________________ तेसट्ठिसिलाकाणं पदवी तिसट्टी आगमे भणिया। एगुणसट्ठी जीवा सट्ठी पुण हुंति कायाओ // 60 // तेसिं बावन्न पिया तस्स णं हुंति इगसट्ठि जणणीओ। वीसं तु निरयगइओ अवसेसाणं च सुगइगई // 61 // चउरो आउहगेहे भंडारे तिनि दुन्नि वेयड्ढे। . इक्कं रायगिहम्मि य नियनयरे चेव चत्तारि . . // 62 // चक्कअसिच्छत्तदंडा आउहसालाइ हुंति चत्तारि। चम्ममणिकागणिनिही सिरिगेहे चक्किणो हुंति // 3 // सेणावई गाहावई पुरोहिय वड्डइ य नियनयरे। ' थीरयणं रायकुले वेयड्डतटे करी तुरया // 64 // नेसप्पे१ पंडुयएर पिंगले३ सव्वरयण४ महापउमे५ / काले६ य महाकाले७ माणवगनिही८ महासंखे९ // 5 // अरिहंत-चक्कि-केसव-बल-संभिन्ने य चारणे पुव्वा / गणहर पुलाग आहारग न हु भवइ एस महिलाणं // 66 // उत्तम नर पंचुत्तर तायत्तीसा य पुव्वधर इंदा।। जिणदाण दिक्ख सासण-देवी जक्खा य नोऽभव्वा // 6 // जत्थ पुरे जिणभवणं समयविऊ साहुसावगा जत्थ / तत्थ सया वसियव्वं पउरजलइंधणं जत्थ / / // 68 // धम्मरयणस्स जुग्गो अक्खुद्दो१ रूववंर पगइसोमो३ / लोगप्पिओ४ अकूरोप भीरू६ असढो७ सुदक्खिन्नू८ // 69 // लज्जालुओ९ दयालू१० मज्झत्थो सोमदिट्ठी११ गुणरागी 12 / सक्कह१३ सुपक्खजुत्तो१४ सुदीहदंसी१५ विसेसन्नू१६ // 70 // वुड्डाणुगो१७ विणीओ१८ कयन्नुओ१९ परजणस्स हियकारी 20 / तह चेव लद्धलक्खो२१ इगवीसगुणो हवइ सड्ढो // 71 // 150
