________________ एते कालविभागा णातव्वा होंति कालकुसलेणं / एत्तो तु अधिगंमासगणिप्फत्ती मे णिसामेह // 102 // चंदस्स जो विसेसो आदिच्चस्स य हवेज्ज मासस्स / तीसाय गुणो सो पुण होति अधिगमासगो एक्को // 103 // सट्ठीए अतीताए हवति अधिगमासगो त्ति जुगमज्झे / बावीसे पव्वसते हवति य बितिओ जुगंतम्मि // 104 // माणविसेसुप्पण्णा णिप्फत्ती अधिगमासगस्सेसा / एत्तो तिधिणिप्फतिं वोच्छामि जहाणुपुव्वीए // 105 // कम्मो णिरंसयाए मासो ववहारकारओ लोए / एवं सेसा मासा ववहारे दुक्करा. घेत्तुं // 106 // सूरस्स गमणकारणविभागणिप्फाइता अहोरत्ता / चंदस्स हाणि-वड्ढीकतेण णिप्फज्जते तु तिधी // 107 // चंदस्स णेव हाणी, ण वि वड्ढी वा, अवट्ठितो चंदो / सुक्किलभावस्स पुणो दीसति वड्ढी य हाणी य // 108 // किण्हं राहुविमाणं हेट्ठा चतुरंगुलं तु चंदस्स / तेणोवड्ढति चंदो, परिवड्ढी वा वि णायव्वा // 109 // तं रयत-कुमुदसरिसप्पभस्स चंदस्स रातिसुभगस्स / लोए तिधि त्ति णियतं भणेति हाणीय वड्ढीय // 110 // सोलस भाए काऊण उलुवतिं हायतेऽत्थ पण्णरसं / तेत्तियमेत्ते भागे पुणो वि परिवड्ढते जोण्हे // 111 // कालेण जेण हायति सोलसभागो तु सो तिधी होति / तह चेव य वड्डीए, एवं तिधिणो समुप्पत्ती // 112 // जावतिएं परिहायति भागे वड्डति य आणुपुव्वीए। तावतिया होति तिधी, तेसिं णामाणि वोच्छामि // 113 // 25
