________________ एवं चउभरहेसुं पंचेवएसु विजयसट्ठिसए / मिहुणगभूमीसु पुणो न होइ देसाइपविभागो // 72 // खेत्तं समत्तमेवं कालविभत्ती भणिज्जए अहुणा / एसो य तिप्पयारो अईयकालाईओ नेओ // 73 // तत्थ अईओ कालो पन्नत्तोऽणंतपोग्गलावत्तो / समओ य वट्टमाणो अणागओ तीयणंतगुणो // 74 // ओसप्पिणि-उस्सप्पिणिरूवो अहवा दुहा हवइ कालो। एकेकस्स पमाणं दसकोडाकोडी अयराणं // 75 // सूसमसुसमा 1 सुसमा 2 सूसमदुसमा य 3 दुसमसुसमा य 4 / दुसमा 5 दूसमदुसमा 6 ओसप्पिणिए अरा छ त्ति // 76 // सागरकोडाकोडीचउक्कमाणम्मि पढमअरयम्मि। . आईए मिहुणयनरा कोसतिगुच्चा तिपलियाऊ // 77 // तेसि पुननिहीणं पयणुकसायाण सग्गगामीणं। . उवभोगपरीभोगा दसविहकप्पद्रुमेहितो . // 78 // मत्तंगया य 1 भिंगा 2 तुडियंगा 3 दीव 4 जोइ 5 चित्तंगा 6 / चित्तरसा 7 मणियंगा 8 गेहागारा 9 अनिगणा य 10 // 79 // मइरा 1 भायण 2 तुडियाणि३ दीवपह 4 रविपहा उ 5 मल्लं च 6 / भोयण 7 भूसण 8 गिह 9 चीवराणि 10 कप्पडुमेसु कमा // 80 // एएसुं अन्नेसु य नरनारिंगणाण ताणमुवभोगा। * भवियपुणब्भवरहिया इय सव्वनू जिणा बिति // 81 // दुइयतइयारंएसुं तिदुसागरकोडिकोडिमाणेसु / कोसदुगएगउच्चा दुएगपलियाउया मिहुणा // 82 // तइयारगपज्जते कप्पतरू जंति हुंति (होति) पढमजिणो। रज्जठिई लोयठिई धम्मठिई सो य दंसेइ // 83 // - .. . 236
