________________ न उ सत्तामित्तेणं सकसायित्तं इहं अहिप्पेअं। किंतु तहापरिणामो स हि माणे अप्पकालीणो // 62 // सेसाणं परिणामो जहुत्तरं होइ बहुअकालीणो। तेण जहुत्तं सव्वं कसायसुत्तं तु निरवज्जं // 63 // सुक्का 1 पम्हा 2 तेऊ 3 अल्लेसा 4 काउ 5 नील किण्हा 7 य / थोवा 1 दो संखगुणा 3 दोऽणंता 5 दो विसेसहिया 7 // 64 // इह लंतगाइदेवा कम्मगनरतिरिगसंखवासाऊ / केइ वि सुक्किललेसा थोवा तो सुक्कलेस त्ति // 65 // इत्तो उ पम्हलेसा बहुया जेणं तु लंतगाईणं / देवाणं संखगुणा सणंकुमाराइणो देवा // 66 // चोएइ असंखगुणा तेऊलेसा कहं न हुज्जेह / ताराउ असंखगुणा भवणवईण वि जओ भणिया // 67 // किं पुण सणंकुमारगमाईदेवाण ते अ किल भणिया। तेऊलेसाइजुया एयं तु न संगयं जम्हा // 68 // लेसासुत्ते वुत्तं इत्थीणं पम्हलेसजुत्ताणं / / तेऊलेसा इत्थी हवंति संखिज्जगुणियाओ // 69 // तिरियाणं जोइसिया संखेयगुणा य दंडए वुत्ता। ता कह पम्हगलेसाहितो तेऊ असंखगुणा // 70 // सम्मामिच्छदिट्ठीहितो सम्मत्तिणो अणंतगुणा / तत्तो मिच्छद्दिट्टी अणंतगुणिया मुणेयव्वा // 71 // मणनाणीणं ओहिन्नाणि असंखा तओ मइ सुया उ। तुल्ला उ विसेसहिया विभंगनाणी असंखगुणा // 72 // तेहिंतो केवलिणो अणंतगुणिया उ हुँति तेहितो। हुंति अणंता दो वि हु मइसुअन्नाणिणो तुल्ला // 73 // 189
